Xalqaro loyihada o‘zbekistonlik san’atkor e’lon qilindi. Los-Anjelesda Jeyson Deruloning mentorligini o‘tashdek noyob imkoniyatga yosh ijrochi Shokhrullo Abdullayev ega bo‘ldi.
TBRG Open ketma-ket olti yildirki, butun dunyo bo‘ylab san’atkorlar va muxlislarga noyob imkoniyatlar yaratish uchun musiqa kuchidan foydalanmoqda.
Bu yil butun dunyodan intiluvchan san’atkorlar Los-Anjelesda yig‘ilib, u yerda Jeyson Derulo bilan studiyada yakkama-yakka vaqt o‘tkazib, ijro, ishlab chiqarish, qo‘shiq yozish va musiqa sohasidagi muvaffaqiyatga ta’sir etuvchi omillarni muhokama qilishdi. Shundan so‘ng har bir san’atkor Los-Anjelesning mashhur musiqa maskanlaridan biri bo‘lgan Wiltern Theatre sahnasida, global ijrochi oldida chiqish qildi.
Jeyson Derulo TBRG Open’dagi ishtiroki haqida gapirar ekan, shunday dedi: “Musiqa sohasida qo‘llanma mavjud emas, shuning uchun siz musiqachi bo‘lishni istasangiz, bu faqat o‘zingizga bog‘liq. Agar sizning yo‘lingizda shunga o‘xshash tajribaga ega bo‘lgan inson paydo bo‘lsa, bu katta rol o‘ynashi mumkin. Ushbu loyiha aynan shuning uchun menga yoqadi. Menda shunday mentorlike o‘tash tajribasi bo‘lganida edi, men kamroq zarbalarga duch kelgan bo‘lardim. Ushbu iste’dodli ijodkorlarning kamolotiga hissa qo‘shganimdan xursandman”.
Shokhrullo Abdullayev AQShda o‘tkazgan vaqtini eslar ekan, ishtirok va murabbiylik haqidagi taassurotlari bilan o‘rtoqlashdi: “Men uchun eng esda qolarli damlardan biri, Jeyson oldidagi chiqishdan keyin suhbatlashganimiz bo‘ldi. Biz qo‘shiqning har bir detalini muhokama qildik, u uyga qaytganimda ustimda ishlashimga kerak bo‘ladigan bir nechta tavsiyalarni berdi”.
Joriy yilda Shokhrullo Abdullayev bilan birga TBRG Open’da Dee MC (Hindiston), VEK (Nepal), Halko (Turkiya), Iva Laurens (Serbiya) va Stoposto (Bosniya) ishtirok etdi. Ularning har biri loyiha ko‘magida Jeyson Deruloga namoyish etgan treklari ustida ishlashda davom etadi.
TBRG Open’dan insonlarni musiqa orqali ko‘prog‘iga ochiq bo‘lishga va o‘zining qulaylik zonasini tark etishga undash uchun platforma sifatida foydalaniladi. Musiqa olamida bu turli madaniyat va millatga mansub ijrochilar va muxlislarni birlashtirib, yangi tajribalar yaratishni anglatadi.
Har yili TBRG Open butun dunyodagi san’atkorlar bilan hamkorlik qilish uchun xalqaro musiqa yulduzini tanlaydi.
2017-yilda boshlanganidan buyon TBRG Open loyihasi David Guetta, The Chainsmokers, Major Lazer, Clean Bandit, Diplo va MØ kabi yirik musiqa san’atkorlari bilan ishladi. Loyihada san’atkorlar bilan hamkorlikda treklar yaratiladi, ular xitga aylanadi va butun dunyo bo‘ylab millionlab tinglovchilarni birlashtiradi.
O‘tgan yillardagi hamkorliklar davomida ijrochilar quyidagi ishlarni amalga oshirishdi:
- Major Lazer bilan The TBRG Beat — san’atkorning noyob ritmidan foydalangan holda o‘z kompozitsiyalarini yaratish;
- Diplo va MØ bilan Stay Open — bu yangi musiqani o‘rganishda yangi tajriba;
- Clean Bandit bilan Going on Shuffle — bu hamkorlik jarayonida yangi musiqa va yangi tajribalarni kashf qilish;
- The Chainsmokers bilan An Irresistible Beat — Chainsmokers Sick Boy albomidagi unutilmas Hope ritmi yordamida yangi musiqa yaratish;
- David Guetta bilan Music Unites — David Guettaning Get Together qo‘shig‘i bilan butun dunyo bo‘ylab odamlarni birlashtirish uchun musiqa kuchini targ‘ib qiladi.
Facebook: https://www.facebook.com/TBRGOpen.uz
Instagram: https://instagram.com/tbrgopenuz?igshid=YmMyMTA2M2Y=
Reklama huquqi asosida.
Izoh (0)