Kristof Galte “PSJ”ning bosh murabbiyi etib tayinlandi. Bu haqda Parij klubi rasmiy sayti xabar berdi.
55 yoshli fransuz “Nitssa”ni tark etib, Maurisio Pochettinoning o‘rnini egalladi. Galte parijliklar bilan 2024-yilning yoziga qadar mo‘ljallangan shartnoma imzoladi.
Avvalroq parijliklar murabbiy uchun “Nitssa”ga 10 million yevro tovon puli to‘lashi aytilgandi.
Kristof Galte bungacha “Marsel”, “Sent-Etyen” va “Lill”da ishlagan. 2020/21-yilgi mavsumda “Lill” bilan birgalikda Fransiya chempionligini qo‘lga kiritgan. “Nitssa” 2021/22-yilgi mavsumda Liga 1 ni 5-pog‘ona bilan yakunladi.
Izoh (0)