Bugun,

  • USD 11014.01
  • RUB 191.8
  • EUR 10674.78

30-iyun — O‘zbekiston yoshlari kuni. So‘nggi yillarda ayni shu kun mamlakatda keng nishonlanib kelyapti, yoshlarga qaratilayotgan e’tibor natijalari sarhisob qilinadi.

Bu kunda, shuningdek, davlat rahbarining tegishli farmoni bilan bir guruh yoshlar davlat mukofotlari bilan taqdirlanadi. E’tiborga molik jihati, joriy yilgi bayram arafasida ko‘plab qoraqalpog‘istonlik yoshlar mukofotlandi.

Foto: “Daryo” / Og‘abek Samisov

Foto: “Daryo” / Og‘abek Samisov

Aytish kerakki, prezident Shavkat Mirziyoyev 2021-yili saylovoldi tashriflar vaqtida aynan Qoraqalpog‘istonda yoshlar bilan suhbatda bo‘lgan. Ushbu suhbatlar davomida esa qoraqalpoq yoshlari prezidentga o‘z takliflarini bergani e’tiborga molik.

Davlat rahbarining 2022-yil fevral oyida Qoraqalpog‘istonga qilgan tashrifi davomida prezident hududlarda asosan yoshlar bilan suhbatlashadi. Ayni shu tashrif arafasida Mo‘ynoq tumaniga ham hokim yordamchisi sifatida ishlagan yoshlardan biri hokim etib tayinlandi.

Foto: “Daryo” / Og‘abek Samisov

Foto: “Daryo” / Og‘abek Samisov

Ayni vaqtda “Yangi O‘zbekiston” bog‘ida turli tadbirlar bo‘lib o‘tmoqda. Bu safargi tadbirning avvalgilaridan farqi bog‘da turli xil pavilyonlar tashkil qilingan. Xususan, shaxmat pavilyoni, “Zakovat” pavilyoni, IT sohasi bo‘yicha pavilyon, jadidchilar yangi avlodi, o‘zbek va xorijiy tillar pavilyoni, kitobxonlik pavilyoni, Bo‘zatov “Yoshlar ovozi” pavilyoni, sport pavilyoni, shuningdek, “Yosh tadbirkorlar va hunarmandlar” pavilyonlari tashkil etilgan.

Ularda turli xil tadbirlar bo‘lib o‘tmoqda. Xususan, Bo‘zatov pavilyonida “Yoshlar ovozi” tanlovi yakunlari hamda yosh ijodkorlarni kashf etish bo‘yicha suhbatlar uyushtirilyapti. Bundan tashqari “Yoshlar ovozi” tanlovi g‘oliblari ishtirokida jonli ijroda aytishuvlar o‘tkazilmoqda. Shuningdek, karaoke chiqishlari, o‘zbek mumtoz qo‘shiqlari ijrosi tadbirlari ham bo‘lib o‘tyapti.

Foto: “Daryo” / Og‘abek Samisov

Foto: “Daryo” / Og‘abek Samisov

Ma’lumot uchun, bugun bo‘lib o‘tadigan asosiy bayram tadbirida esa bir guruh yoshlar, jumladan, qoraqalpog‘istonlik yoshlar Shavkat Mirziyoyevning qo‘lidan o‘z mukofotlarini qabul qilib oladi.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi