Ember Xyord sobiq turmush o‘rtog‘i Jonni Depp bilan bog‘liq vaziyatni shunchaki tashlab qo‘yolmaydi. Sud jarayonidan so‘ng Ember aktyorga tuhmat qilishda aybdor deb topilgach, u apellyatsiya berishni rejalashtirmoqda. Shuningdek, Ember Xyord Jonni Depp bilan janjalga boy nikohi haqida kitob yozishini ma’lum qildi, deb yozadi People Talk.
“Akvamen” aktrisasi kitobga “Hammasini ayt” deb nom bermoqchi va hozirda nashriyot bilan kelishuv ishlarini olib bormoqda. Manbalarning ta’kidlashicha, uning yo‘qotadigan hech narsasi yo‘q, shuning uchun bundan keyin ham obro‘siga putur yetishidan qo‘rqmaydi.
Eslatib o‘tamiz, 2022-yil iyun oyi boshida sud bir ovozdan Ember Xyordni Jonni Deppga qarshi ish bo‘yicha aybdor deb topib, unga 15 million dollar miqdorida tovon to‘lashni buyurgan edi.
Izoh (0)