2022-yilning yanvar—may oylarida O‘zbekistonga qiymati 49 million dollarga teng bo‘lgan 158,4 ming tonna bug‘doy uni import qilingan. Bu haqda Davlat statistika qo‘mitasi xabar berdi.

Ma’lum qilinishicha, bug‘doy uni importi hajmi o‘tgan yilning mos davri bilan solishtirilganda 19,8 ming tonnaga oshgan.

2022-yilning yanvar-may oylarida O‘zbekiston bug‘doy unini eng ko‘p import qilgan davlatlar:

• Qozog‘iston – 153,4 ming tonna;
• Rossiya – 4,9 ming tonna;
• AQSH – 50 tonna;
• Italiya – 27 tonna;
• Hindiston – 2 tonna;
• Fransiya – 1,8 tonna.

Avvalroq 2022—2023-yillarda O‘zbekistonda ichki bug‘doy iste’moli hajmi 8,5 million tonnaga yetishi mumkinligi to‘g‘risida xabar berilgandi. Bu avvalgi mavsumga nisbatan deyarli 1 foiz yuqori va Markaziy Osiyoda bug‘doyning asosiy iste’molchilari orasida eng katta ko‘rsatkichdir.