Ijtimoiy tarmoqlarda Farg‘ona viloyatining Farg‘ona tumanida hokimlikka murojaat qilib borgan fuqaro farzandi hokimlik vakillari tomonidan kaltaklangani xabar berilgandi. Viloyat IIB mazkur voqeaga izoh berdi.
“2022-yilning 9-iyun kuni Farg‘ona tumanining Qo‘riq ko‘chasi 116-uyda yashovchi fuqaro O.T.ning tuman hokimi nomiga amaliy yordam berishni so‘rab yozgan arizasiga asosan hokimlik mutasaddilari S.A boshqaruvidagi Malibu’da murojaatchi ayol xonadoniga kelgan. Shunda murojaatining o‘g‘li T.T. jamiyatda yurish-turish qoidalarini qasddan mensimasdan Malibu rusumli avtomashinaga shikast yetkazib, S.A ning bo‘yin, burun va chap qo‘l sohalariga, hamda hodisa joyiga yetib borgan tumani IIB JQB tezkor vakilining chap qo‘l bilak sohasiga tan jarohati yetkazgan”, — deyiladi viloyat IIB axborot xizmati xabarida.
Viloyat IIB murojaatchi fuqaro farzandi nima uchun hokimlik vakillariga qo‘l ko‘targani sababi haqida ma’lumot bermagan. Murojaatchi ayol esa hokimlik vakillari bilan kelgan deputat o‘g‘lining nafsoniyatiga tegadigan gap gapirgani uchun o‘g‘li Malibu’ni urib pachoqlaganini, shunda Malibu haydovchisi mashinadan tushib, o‘g‘lini kaltaklab ketganini bildirgan.
Viloyat IIBning qo‘shimcha qilishicha, mazkur holat yuzasidan 9-iyun kuni Farg‘ona tuman prokuraturasi tomonidan T.T.ga nisbatan Farg‘ona tuman prokuraturasi tomonidan Jinoyat kodeksining 277-moddasi 3-qismi “g” bandi (jamoat tartibini saqlash vazifasini bajarib turgan hokimiyat vakili yoki jamoatchilik vakiliga yoxud bezorilik harakatlarining oldini olish chorasini ko‘rgan boshqa fuqarolarga qarshilik ko‘rsatib sodir etilgan bezorlik) bilan jinoyat ishi qo‘zg‘atilib, fuqaro gumon qilinuvchi tariqasida ushlangan.
Izoh (0)