Ижтимоий тармоқларда Фарғона вилоятининг Фарғона туманида ҳокимликка мурожаат қилиб борган фуқаро фарзанди ҳокимлик вакиллари томонидан калтаклангани хабар берилганди. Вилоят ИИБ мазкур воқеага изоҳ берди.
«2022 йилнинг 9 июнь куни Фарғона туманининг Қўриқ кўчаси 116-уйда яшовчи фуқаро О.Т.нинг туман ҳокими номига амалий ёрдам беришни сўраб ёзган аризасига асосан ҳокимлик мутасаддилари С.А бошқарувидаги Malibu’да мурожаатчи аёл хонадонига келган. Шунда мурожаатининг ўғли Т.Т. жамиятда юриш-туриш қоидаларини қасддан менсимасдан Malibu русумли автомашинага шикаст етказиб, С.А нинг бўйин, бурун ва чап қўл соҳаларига, ҳамда ҳодиса жойига етиб борган тумани ИИБ ЖҚБ тезкор вакилининг чап қўл билак соҳасига тан жароҳати етказган», — дейилади вилоят ИИБ ахборот хизмати хабарида.
Вилоят ИИБ мурожаатчи фуқаро фарзанди нима учун ҳокимлик вакилларига қўл кўтаргани сабаби ҳақида маълумот бермаган. Мурожаатчи аёл эса ҳокимлик вакиллари билан келган депутат ўғлининг нафсониятига тегадиган гап гапиргани учун ўғли Malibu’ни уриб пачоқлаганини, шунда Malibu ҳайдовчиси машинадан тушиб, ўғлини калтаклаб кетганини билдирган.
Вилоят ИИБнинг қўшимча қилишича, мазкур ҳолат юзасидан 9 июнь куни Фарғона туман прокуратураси томонидан Т.Т.га нисбатан Фарғона туман прокуратураси томонидан Жиноят кодексининг 277-моддаси 3-қисми «г» банди (жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб содир этилган безорлик) билан жиноят иши қўзғатилиб, фуқаро гумон қилинувчи тариқасида ушланган.
Изоҳ (0)