O‘zbekiston — Saudiya Arabistoni o‘rtasidagi U-23 Osiyo Kubogi finaliga kirish 14:00 dan boshlanadi

U-23 Osiyo Kubogi finali doirasidagi O‘zbekiston U-23 va Saudiya Arabistoni U-23 o‘rtasidagi o‘yinga soat 14:00 dan boshlab muxlislar kiritiladi. Bu haqda Toshkent shahar IIBB xabar berdi.

Ta’kidlanishicha, stadionga keluvchi muxlislarning ko‘pligini inobatga olinib, ularga qulaylik yaratish maqsadida uchrashuvni tomosha qilish uchun muxlislar stadionga soat 14:00 dan boshlab kiritilishi belgilangan.

“Stadionga kiradigan muxlislardan o‘zlari bilan yonuvchan, kesuvchan, o‘tkir tig‘li buyumlarni, shuningdek yelim idishlardagi (baklajka) suvlarni olib kirmasliklarini so‘raymiz. Stadionga kelishda jamoat transportidan foydalanishingizni tavsiya qilamiz”, — deyiladi xabarda.

Eslatib o‘tamiz, O‘zbekiston va Saudiya Arabistoni o‘rtasidagi U-23 Osiyo Kubogi finali “Bunyodkor” stadionida, soat 18:00 da boshlanadi.