Bugun,

  • USD 10940.05
  • RUB 182.26
  • EUR 11121.65

15-iyun kuni Oliy Majlis Senatida Xotin-qizlar va bolalarning huquqlari, erkinliklari hamda qonuniy manfaatlarini ishonchli himoya qilishga qaratilgan qonunchilikni takomillashtirish masalalari yuzasidan tuzilgan ishchi guruhning navbatdagi yig‘ilishi bo‘lib o‘tdi. Bu haqda yuqori palata matbuot xizmati xabar berdi.

Foto: Senat matbuot xizmati

Foto: Senat matbuot xizmati

Yig‘ilishda ishchi guruh a’zolari tomonidan o‘tgan yig‘ilishda belgilab olingan vazifalar doirasida amalga oshirilgan ishlar, xotin-qizlar va voyaga yetmaganlarga nisbatan sodir etilayotgan nojo‘ya harakatlarning kelib chiqish sabablari, ularning oldini olish bo‘yicha qonunchilikni takomillashtirishga, shu jumladan, jazo choralarini kuchaytirishga doir takliflar hamda boshqa masalalar muhokama qilingan.

Yig‘ilish yakunida ishchi guruh tomonidan sohaga oid qonunchilik hujjatlarini takomillashtirish yuzasidan qonun loyihasini ishlab chiqishga kelishib olingan.

Foto: Senat matbuot xizmati

Foto: Senat matbuot xizmati

“Shu munosabat bilan qonunchilikni takomillashtirishda keng jamoatchilikni, shu jumladan, fuqarolik jamiyati institutlari vakillarini, olimlar va mutaxassislarni ishchi guruh faoliyatida o‘z takliflari bilan faol ishtirok etishga chaqiramiz”, — deyiladi xabarda.

Avvalroq ijtimoiy tarmoqlarda to‘y kuni o‘yinda yutqazib qo‘ygan kuyov kelinni urgani aks etgan videolavha tarqalgandi. Keyinroq mazkur to‘y marosimi Surxondaryoda bo‘lgani va kelinni urgan kuyov javobgarlikka tortilgani to‘g‘risida ma’lum bo‘ldi. Oliy Majlis Senati Xotin qizlar va gender tenglik masalalari qo‘mitasi mazkur holatni keskin qoralab chiqqandi.

Izoh
Asosiy yangiliklar
Mahalliy
O‘zbekistonliklar uchun Haj va Umra narxlarini arzonlashtirish muhokama etildi
Mahalliy
Prezident O‘qituvchi va murabbiylar kuni munosabati bilan bir guruh xodimlarni mukofotladi (ro‘yxat)
Mahalliy
Samarqandda fuqaro 5 tup qarag‘ayni kesib, tabiatga salkam 90 mln so‘m zarar yetkazdi