Surxondaryo viloyati Denov tumanida haydovchi radar o‘rnatilgan avtomashinada xizmat olib borayotgan Yo‘l-patrul xizmati xodimini haqorat qilgandi. Bosh prokuratura matbuot kotibi haydovchiga nisbatan jinoyat ishi qo‘zg‘atilganini ma’lum qildi.
Holat 6-iyun kuni M41 xalqaro avtomobil yo‘lining Denov tumani “Lochin” mahallasi hududidan o‘tuvchi qismida sodir bo‘lgan. Tezlikni aniqlovchi moslama bilan jihozlangan Cobalt’da xizmat olib borayotgan YPX xodimi xizmat olib borayotgan joyiga shu tumanda yashovchi A.X. Nexia’da yo‘lning qarama-qarshi bo‘lagidan harakatlanib kelib, uni har xil uyatli so‘zlar bilan haqoratlab, yaqin qarindoshlari nomiga tuhmat qilgan. Holatni o‘zining telefoniga tasvirga olib, ijtimoiy tarmoqlarga tarqatgan.
Unga nisbatan Jinoyat kodeksining 140-moddasi (haqorat qilish) bilan jinoyat ishi qo‘zg‘atildi.
Avvalroq Farg‘onada IIB xodimini haqorat qilgan ayolga jinoyat ishi qo‘zg‘atilgani, Chiroqchida YPX xodimlariga tajovuz qilgan 7 nafar fuqaro 15 sutkaga qamalgani haqida xabar berilgan.
Izoh (0)