Shavkat Mirziyoyev raisligida 7-iyun kuni o‘tkazilgan yig‘ilishda oy yakuni bilan 25 mingta yer uchastkalarini servis va savdo obyektlari uchun auksionga chiqarish shartligi ko‘rsatib o‘tildi. Bu haqda prezident matbuot kotibi xabar qildi.
Qayd etilishicha, Oltiariq tumani so‘nggi ikki oyda 1,6 mingta yer uchastkasini auksionga chiqargan. Buning uchun tuman ishchi guruhi tadbirkorlar bilan uchrashib, ular uchun maqbul bo‘sh yer uchastkalarini ajratib olgan. Xususiy loyiha tashkilotlarini jalb qilib, topografik xaritalarni ishlab chiqqan. Auksionga chiqarish uchun 15 ta idora bilan 7—10 kunda kelishilgan.
Prezident bu tajribani barcha tuman va shaharlarda joriy qilish kerakligini ta’kidlagan. Endilikda:
- yerlarni auksionga chiqarish jarayonlari ijarada 48 kundan 15 kunga, mulk huquqida 74 kundan 20 kunga qisqartiriladi;
- yer maydonlarini baholash ekspertizadan o‘tkazilmaydi, haqiqiy bahosi auksionda aniqlanadi;
- 2023-yil 1-yanvardan boshlab yerlarni auksionga chiqarishda kadastr idoralarida bor ma’lumotlarni boshqa idoralar bilan kelishish tartibi bekor qilinadi.
Mavzuga doir:
- Shavkat Mirziyoyev: “Ayrim tuman va shahar hokimlari, ularning birinchi o‘rinbosarlari mavjud imkoniyatlardan foydalanib, ishlarni to‘g‘ri tashkil eta olmayapti"
- Shavkat Mirziyoyev 3 ta shahar va 5 ta tuman hokim o‘rinbosarlarini ishdan oldi
- “Shaharlarning bosh rejasini ishlab chiqishni davlat loyiha institutlari monopoliya qilib olgan” — Shavkat Mirziyoyev
Izoh (0)