Donbassda bunkerlardagi hayot va velosipedda qochishga shaylanayotgan odam. Urushning 97-kunidan fotoreportaj
31-may kuni Lugansk viloyati rahbari Sergey Gayday Rossiya qo‘shinlari Severodonetskning katta qismini nazorat qilayotganini aytdi. Checheniston rahbari Ramzan Qodirov esa shaharni “to‘liq tozalash” yakunlanganini ma’lum qildi. The Wall Street Journal manbalarining ta’kidlashicha, Vashington Ukrainaga Kiyev so‘ragan raketa tizimlarini berishga tayyor, biroq ular orasida uzoq masofaga mo‘ljallangan raketalar bo‘lmaydi. 23 mingdan ortiq ukrainalik qochqin AQSHga kirishga ruxsat oldi.
Italiya bosh vaziri Mario Dragining aytishicha, Yevropa Ittifoqining deyarli barcha yirik davlatlari hozirda Ukrainaga YI nomzodi maqomini berishga qarshi. Kanada Alina Kabayevaga qarshi sanksiyalar kiritdi. Avvalroq Buyuk Britaniya ham xuddi shunday qilgandi. Meduza urushning to‘qson yettinchi kuniga oid asosiy fotosuratlarni jamladi.
Donbass shimoli
Donetsk viloyatining Slavyansk shahri aholisi snaryad tushishi oqibatida hosil bo‘lgan o‘ra yonidan o‘tmoqda. Amerika urushni o‘rganish instituti ma’lumotlariga ko‘ra, rus qo‘shinlari Slavyanskka qarshi hujum uchun Izyumning janubi-sharqida va Limanning g‘arbiy qismida jamlangan.Foto: AFP
Slavyanskda turar joy binosiga kiraverishdagi zinapoyada oqqan qon. Bino tungi raketa hujumiga uchragan.Foto: AP Photo
Slavyanskda yashovchi 73 yoshli ayol tungi otishmalardan zarar ko‘rgan kavartirasida.Foto: AP Photo
Shaharda yashovchi kishi velosiped yukxonasiga chamadonini mahkamlamoqda.Foto: AP Photo
Donetsk viloyati shimoli-sharqidagi Soledar shahridagi bunker yerto‘lasida noutbukda ishlayotgan yigit. Urushdan oldin shaharda 11 mingga yaqin aholi istiqomat qilgan, hozir u yer deyarli kimsasiz. Shaharda qolganlar bomba boshpanalarida yashamoqda. Soledar sharqiy front chizig‘idan taxminan besh kilometr uzoqlikda joylashgan va rus artilleriyasi tomonidan o‘qqa tutilmoqda: shahar qamaldagi Severodonetskdan chiquvchi yo‘l bo‘yida joylashgan.Foto: Sopa Images
Ukrainalik askar front chizig‘iga yaqin joylashgan pozitsiyalaridagi boshpanada, Donetsk viloyati.Foto: Reuters
Xarkov viloyati
Xarkovda qutqaruvchilar otishmalardan zarar ko‘rgan binoda ishlamoqda.Foto: Reuters
Xarkovlik ayol turar joy binosining o‘qqa tutilishidan halok bo‘lgan tinch aholi jasadlari orasidan qarindoshini qidirmoqda.Foto: Reuters
Xarkovdagi o‘qqa tutilgan turar joy binosida ishlayotgan qutqaruvchi tin olmoqda. Bino ichida halok bo‘lgan tinch aholining jasadlari qolgan.Foto: Reuters
Chernigov viloyati
Yonib ketgan tank qoldig‘i Chernigov viloyatining Kolichovka qishlog‘idagi Ugor daryosida. Urush boshida rus qo‘shinlari Chernigov viloyatiga kirishdi, ammo mart oyining oxirida u yerdan chekinishni boshladi. Chernigov va Kiyev viloyatlaridan chekingach, Rossiya asosiy e’tiborini Donbassni egallashga qaratdi.Foto: Getty Images
Kiyev viloyati
Borodyankada yig‘ish punktidagi kiyim uyumlari yonida turgan ayol.Foto: AP Photo
Borodyankada otishmadan vayron bo‘lgan uy bo‘ylab yugurayotgan bola. Qishloq urush boshida keng ko‘lamli o‘qqa tutilgan, endi u normal hayotga qaytmoqda.Foto: AP Photo
