Донбассда бункерлардаги ҳаёт ва велосипедда қочишга шайланаётган одам. Урушнинг 97-кунидан фоторепортаж
31 май куни Луганск вилояти раҳбари Сергей Гайдай Россия қўшинлари Северодонецкнинг катта қисмини назорат қилаётганини айтди. Чеченистон раҳбари Рамзан Қодиров эса шаҳарни «тўлиқ тозалаш» якунланганини маълум қилди. The Wall Street Journal манбаларининг таъкидлашича, Вашингтон Украинага Киев сўраган ракета тизимларини беришга тайёр, бироқ улар орасида узоқ масофага мўлжалланган ракеталар бўлмайди. 23 мингдан ортиқ украиналик қочқин АҚШга киришга рухсат олди.
Италия бош вазири Марио Драгининг айтишича, Европа Иттифоқининг деярли барча йирик давлатлари ҳозирда Украинага ЕИ номзоди мақомини беришга қарши. Канада Алина Кабаевага қарши санкциялар киритди. Аввалроқ Буюк Британия ҳам худди шундай қилганди. Meduza урушнинг тўқсон еттинчи кунига оид асосий фотосуратларни жамлади.
Донбасс шимоли
Донецк вилоятининг Славянск шаҳри аҳолиси снаряд тушиши оқибатида ҳосил бўлган ўра ёнидан ўтмоқда. Америка урушни ўрганиш институти маълумотларига кўра, рус қўшинлари Славянскка қарши ҳужум учун Изюмнинг жануби-шарқида ва Лиманнинг ғарбий қисмида жамланган.Фото: AFP
Харьковдаги ўққа тутилган турар жой биносида ишлаётган қутқарувчи тин олмоқда. Бино ичида ҳалок бўлган тинч аҳолининг жасадлари қолган.Фото: Reuters
Чернигов вилояти
Ёниб кетган танк қолдиғи Чернигов вилоятининг Количовка қишлоғидаги Угор дарёсида. Уруш бошида рус қўшинлари Чернигов вилоятига киришди, аммо март ойининг охирида у ердан чекинишни бошлади. Чернигов ва Киев вилоятларидан чекингач, Россия асосий эътиборини Донбассни эгаллашга қаратди.Фото: Getty Images
Киев вилояти
Бородянкада йиғиш пунктидаги кийим уюмлари ёнида турган аёл.Фото: AP Photo
Бородянкада отишмадан вайрон бўлган уй бўйлаб югураётган бола. Қишлоқ уруш бошида кенг кўламли ўққа тутилган, энди у нормал ҳаётга қайтмоқда.Фото: AP Photo
Изоҳ (0)