Futbol bo‘yicha Fransiya chempionatining 38-turida “PSJ” 21-may, shanba kuni “Mets”ga qarshi bahs olib bordi.
“Park de Prens” mezbonlik qilgan bahsda “PSJ” yirik g‘alabani tantana qildi. Parijliklar safida klub bilan shartnomasini uzaytirgan Kilian Mbappe het-trikka erishdi, Anxel di Mariya va Neymar esa o‘z nomiga bittadan gol yozdirib qo‘ydi — 5:0.
Shu tariqa Fransiya chempionatining 2021/22-yilgi mavsumi yakunlandi. “PSJ” 34-turdayoq chempionlik masalasini hal qilgandi. Kelasi mavsumda Fransiya nomidan “PSJ”, “Marsel” (YChL), “Monako” (YChL pley-offi), “Renn” (Yevropa Ligasi) va “Nissa” (Konferensiyalar Ligasi pley-offi) Yevrokuboklarda qatnashadi. “Mets” va “Bordo” esa quyi ligaga ravona bo‘ldi. Musobaqaning yakuniy jadvali quyidagicha ko‘rinish oldi.
Liga 1
38-tur bahslari
21-may, shanba
“PSJ” – “Mets” 5:0
Gollar: 1:0 – 24 Mbappe, 2:0 – 28 Mbappe, 3:0 – 31 Neymar, 4:0 – 50 Mbappe, 5:0 – 67 di Mariya.“PSJ”: Navas (Letelye, 83), Hakimi (Kerer, 83), Ramos, Markinyos, Kimpembe, di Mariya (Errera, 75), Danilu Pereyra, Verratti (Guye, 79), Messi, Neymar (Veynaldum, 79), Mbappe.
“Mets”: Keyyar, Mikelbransis (Mbenge, 56), Kana-Biyik (Niakate, 56), Bronn, Kuyate, Kande, Sarr, Bulaya (Jozef, 71), Pajo, Traore, Lamkel Ze (Mafuta, 71).
Ogohlantirishlar: Traore (23), Neymar (72).
Chetlatishlar: Traore (58).
Izoh (0)