Toshkent viloyatining Piskent tumanida davlat tasarrufidagi yerni sotmoqchi bo‘lgan shaxs qo‘lga olindi, deb xabar beradi IIV Transport va turizm obyektlarida xavfsizlikni ta’minlash departamenti.
Ma’lum qilinishicha, 12-may kuni IIV TXTBBga fuqaro X.dan ariza kelib tushgan. Arizada Z. ismli ayol tanishlarining Piskent tumani “Akmal Ikromov” mahallasida joylashgan bog‘dorchilik va dala hovli uchun ajratilgan jami 1,08 gektar yer maydonini 30 ming dollarga sotmoqchi ekani ko‘rsatilgan.
Mazkur holat yuzasidan IIV Transportda XTBB JQB hamda Transport prokuraturasi xodimlari tomonidan olib borilgan tezkor tadbir natijasida Toshkent shahar Uchtepa tumanida yashovchi 60 yoshli Y.Z. tanishlari X.A., N.A., I.M., Z.T., N.K. va S.A.ga ajratilgan, davlat tasarrufida bo‘lgan va kadastr hujjatlari bo‘lmagan yer maydonini 30 ming dollarga sotishga kelishib, kelishilgan puldan 20 ming dollarni olgan vaqtida tadbir ishtirokchilari tomonidan ushlangan.
Hozirda mazkur holat yuzasidan tergovga qadar tekshiruv harakatlari davom ettirilmoqda.
Avvalroq Jizzaxda 40 gektar suvli yerni 200 million so‘mga sotmoqchi bo‘lgan shaxs ushlangani, Surxondaryoda qishloq xo‘jaligi yerlarida qurilish ishlarini amalga oshirib, 3,1 mlrd so‘mdan ortiq zarar yetkazgan jamiyat rahbari aniqlangani to‘g‘risida xabar berilgandi.
Mavzuga doir:
- Toshkent viloyatida 2,4 gektar yerni qariyb 1 mln dollarga sotmoqchi bo‘lgan shaxslar qo‘lga tushdi
- Samarqandda 78 gektar yerni rasmiylashtirib berish uchun 135 ming dollar so‘ragan Tadbirkorlikka ko‘maklashish markazi xodimi ushlandi
- Surxondaryoda fermer xo‘jaligiga tegishli 6 sotix yer o‘zboshimchalik bilan egallab olingani aniqlandi
Izoh (0)