“Barselona” tez orada “Bavariya” bilan Robert Levandovski transferi borasida muzokaralarni boshlashni rejalashtirmoqda.

Mundo Deportivo nashrining xabariga ko‘ra, kataloniyaliklar 33 yoshli hujumchini 30 million yevro evaziga xarid qilmoqchi.

Ushbu narx 35 million yevroga qadar ko‘tarilishi mumkin, bu “ko‘k-anorranglilar” rahbariyati tomonidan belgilangan maksimal chegara.

Polshalik hujumchining o‘zi “Barselona” variantiga qiziqmoqda va maoshi kamaytirilishiga rozi.

Robert “Bavariya”da yiliga 22 million yevro maosh oladi. Agar “Barselona” transferni amalga oshirsa, hujumchining maoshi 16 million yevroga qisqarishi mumkin.

Avvalroq Levandovski “Bavariya”dan ketmoqchi ekanligini ma’lum qilgandi. Katalon klubi “Bavariya” hujumchisining agenti Pini Zahaviga Robert uchun 30—35 million yevro to‘lashga tayyorligini bildirgan.

Robert Levandovski 2014-yildan beri myunxenliklar sharafini himoya qilib kelayotgandi. Ungacha u “Borussiya D” sharafini himoya qilgan.