“Leypsig” yarim himoyachisi Kristofer Nkunku Bundesligada 2021/22-yilgi mavsumning eng yaxshi futbolchisi deb topildi.
Mavsumning eng yaxshi futbolchisi muxlislar (40%), klublar vakillari (30%) va ekspertlar (30%) ovoziga ko‘ra aniqlandi.
24 yoshli futbolchi 34 turda 20 ta gol va 13 ta golli uzatmani amalga oshirdi. Sermahsullik borasida futbolchi faqatgina “Bavariya” hujumchisi Robert Levandovskiga imkoniyatni boy berdi. Polshalik hujumchi 35 ta gol va 3 ta golli uzatmaga mualliflik qilgan.
Nkunku oyning eng yaxshi futbolchisi bo‘lish bo‘yicha ham rekord o‘rnatdi. Futbolchi oktabr, fevral, mart va aprel oylarida eng yaxshi futbolchi sovrinini qo‘lga kiritgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)