Xitoylik Chjan Shensinran tashqi ko‘rinishi tufayli otasi taqiqlaganidan keyin Xitoy messenjerlarida jonli efir qilishni to‘xtatdi. Bu haqda China Morning Post xabar berdi.
Chjan hozirda Xitoyning eng yaxshi davlat universitetlaridan biri hisoblangan Sinxua universitetida tahsil olmoqda. Qiz u yerga endigina o‘qishga kirganida, ota-onasi unga 105 ming yuan (taxminan 15 ming dollar) miqdorida moliyaviy yordam ko‘rsatdi, chunki u Chjaoan uyezdidagi qishloqdan birinchi bo‘lib ushbu oliy o‘quv yurtiga o‘qishga kirishga muvaffaq bo‘ldi.
Shaxsiy ehtiyojlar va ko‘chib o‘tishga qaramay, qiz bu pullarni boshqa muhtoj talabalarga xayriya qilishga qaror qildi. Uning bu harakatini ko‘plab internet foydalanuvchilari maʼqullab, Chjan shaxsi bilan qiziqa boshlashdi. Oqibatda qizning suratlari internetda tarqalib ketdi. Baʼzilar uni Xitoyda mashhur aktrisa Chen Dulinga o‘xshata boshlashdi.
Bu Chjanning o‘z blogini yaratishiga sabab bo‘ldi. Talaba o‘z postlarida abituriyentlarga o‘qishga kirish tajribasi va bilimlari bilan o‘rtoqlashdi. Nashrning taʼkidlashicha, bungacha qiz ijtimoiy tarmoqlarni yuritmagan va “jamoatchilikdan yashirinishga” harakat qilgan.
Xitoylik qizning obunachilari va videolari uchun yangi mavzular paydo bo‘la boshladi, ammo otasining ko‘rsatmalari tufayli uning blogerlik karyerasi tezda tugadi. “Men uning jonli efirga chiqishini qo‘llab-quvvatlamayman, chunki bu juda chiroyli qizlarga to‘g‘ri kelmaydi”, dedi Chjan Szyatianu.
Oxir-oqibat, ota qiziga blog yuritishni taqiqlab, bunday faoliyat to‘g‘ri yondashuv va oqibatlarni anglashni talab qilishini taʼkidladi.
Izoh (0)