Bugun,

  • USD 11095.31
  • RUB 173.84
  • EUR 10772.44

Qashqadaryo viloyatining Dehqonobod tumaniga kelgan sel “Jiguli” avtomobilni oqizib ketdi. Bu haqda viloyat Favqulodda vaziyatlar boshqarmasi axborot xizmati xabar berdi.

Sel oqizib ketgan mashina.

Sel oqizib ketgan mashina.
Foto: “Daryo”

Qayd etilishicha, 4-may kuni tumanning tog‘li hududlarida kuchli yog‘ingarchilik oqibatida sel kelishi kuzatilgan. Natijada ayrim aholi yashash uylarining hovlisiga, ekin maydonlariga va avtomobil yo‘llariga suv toshgan.

Aniqlanishicha, sel oqibatida Beliboyli, Boshchorbog‘, Oqtosh va Chambil qishlog‘i hududlaridagi jami 4 ta hashar yo‘li bilan qurilgan kichik ko‘prik, 13 ta xonadon tomorqasi va 3 ta yordamchi xo‘jalik (molxona) imoratlariga hamda 3 ta elektr uzatish ustunlariga ziyon yetkazgan.

Sel oqizib ketgan mashina.

Sel oqizib ketgan mashina.
Foto: Qashqadaryo viloyat FVB

Qo‘shimcha qilinishicha, tumanning Tog‘aytemir qishlog‘ida kelgan sel mahalliy aholiga tegishli “Jiguli”  avtomobilini ham oqizib ketgan va mashinani yaroqsiz holga keltirgan.

Dehqonobod tumani hokimligi axborot xizmatining ma’lumot berishicha, tuman hokimi seldan zarar ko‘rgan qishloqqa borib, odamlardan hol-ahvol so‘ragan.

Sel kelgan qishloqqa borgan Dehqonobod tumani hokimi Zoir Aliqulov.

Sel kelgan qishloqqa borgan Dehqonobod tumani hokimi Zoir Aliqulov.
Foto: Dehqonobod tumani hokimligi

Hududga borgan hokim aholi bilan muloqotda seldan zarar ko‘rgan ko‘priklar tez orada qayta ta’mirlanishini, sel suvlari tozalanib, yo‘llar ham tartibga keltirilishi haqida ma’lum qilgan.

“Shukrki, hech kimning joniga zarar yetmagan. Ko‘prik va yo‘llarni tez orada ta’mirlab, muammoni bartaraf etamiz. Shuning uchun bu haqda hech ham o‘ylamang”, — degan tuman hokimi aholi vakillari bilan suhbatda.

Izoh
Asosiy yangiliklar
Mahalliy
Toshkent viloyatida 2023-yilda 9 ming gektar maydon qisqartirilib, 25 sotixdan aholiga beriladi
Mahalliy
Toshkent viloyatida kelin qaynonasiga 20 marta pichoq urdi (video)
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirdi