Dushanba 18-aprel kuni Xitoyning iqtisodiy ma’lumotlari e’lon qilindi. Taxmin qilinganidan yuqoriroq ko‘rsatkichlarni qayd etgan ushbu statistika tahlilchilarda ba’zi savollarni paydo qildi. Bu haqda Bloomberg xabar bermoqda.
Statistikaga ko‘ra, yalpi ichki mahsulotning o‘sishi birinchi chorakda o‘tgan yilning shu davriga nisbatan 4,8 foizga o‘sgan. Oktabrdan dekabrgacha bo‘lgan davrda 4 foizdan oshgan.
Ayrim iqtisodchilarning fikricha esa ushbu ko‘rsatkich 4,2 foizni tashkil etishi kerak. O‘sishning umumiy tezlashishi uzoq davom etgan mulk qiymatining pasayishi va mart oyida biznes faoliyatini to‘xtatib qo‘ygan cheklovlarga qaramay sodir bo‘ldi.
Iqtisodchilarga ko‘ra, rasmiy ma’lumotlar ba’zi hollarda boshqa iqtisodga oid manbalardan farq qiladi. Ular, shuningdek, yanvar va fevral oylaridagi o‘sish mart oyida ko‘rsatilgan past ko‘rsatkichni kuchaytirgan bo‘lishi mumkinligini aytishdi.
G‘ayrioddiy farq
Xitoy investitsiyalar o‘sib borayotgani va qurilish materiallari ishlab chiqarishning qisqarishi haqida xabar beradi.
Tahlilchilar Xitoyning birinchi chorakdagi iqtisodiy ko‘rsatkichlarini quyidagicha sharhladi:
Ma’lumotlarda ko‘rsatilgandek, ko‘chmas mulkning barqarorligi va bozorning asl holati o‘rtasida juda katta tafovut mavjud, — deydi BNP Paribas bosh iqtisodchi o‘rinbosari Jaklin Rong.Xitoy Milliy statistika byurosi ma’lumotlariga ko‘ra, oxirgi oyda yangi uylar sotuvi o‘tgan yilga nisbatan 29 foizga kamaygan.
Shunga qaramay Rongning fikricha, raqamlar hali ham iqtisodiyot duch kelgan og‘ir vaziyatni aks ettiradi. Bozor uchun esa pasayishning miqdori emas, balki tendensiyasi ma’lum darajada kuzatilishi eng muhim narsa bo‘lishi mumkin.
Biz yalpi ichki mahsulotning haqiqiy o‘sishi birinchi chorakda ko‘rsatilgan 4,8 foizdan ko‘ra ancha past bo‘lishi mumkinligiga ishonamiz, chunki yanvar va fevral oylaridagi kuchli o‘sish haqidagi ma’lumotlar ba’zi muqobil ma’lumot manbalariga mos kelmayapti. Mart oyida esa Xitoy iqtisodi yaqqol pasayib ketgan, — dedi Nomura Holdings tahlilchisi Lu Ting.Uning fikricha, sement va po‘lat kabi asosiy xomashyo ishlab chiqarish mahsulotlari ko‘rsatkichining o‘sishi mart oyida ajablanarli darajada o‘sishga erishdi. Ammo energiya ishlab chiqarish sezilarli darajada pasaydi.
Shuningdek, uzoq davom etgan cheklovlar, logistikadagi uzilishlar, mulk sektoridagi pasayish va eksportning sekinlashishi sharoitida biz aprel oyida statistikaning pasayishini kutilmoqda.
Statistika o‘sishining tezlashishini tushunish qiyin. Kovid cheklovlariga qaramay, yuqori texnologiyali ishlab chiqarish investitsiyalarining to‘satdan o‘sishi yoki iste’molning kuchli o‘sishi shartnoma tuzuvchi mulk sektorining ta’sirini to‘liq qoplash uchun yetarli edi. Shu sababli bu tushuntirishlarning hech biri ishonchli ko‘rinmaydi, – dedi Rhodium Group konsalting kompaniyasining Xitoy bozorini o‘rganish bo‘yicha direktori Logan Rayt.Bu iqtisodchilarning birinchi bor rasmiy statistik ma’lumotlardan shubhalanishlari emas. Joriy yilning dastlabki ikki oyidagi keskin o‘sish bir qator iqtisodchilarni ushbu ma’lumotlarning to‘g‘riligiga shubha qilishga majbur qilgan edi.
Avvalroq Xitoy Rossiyaning Markaziy Osiyodagi o‘rnini egallashi mumkinligi haqida xabar berilgan edi.
Izoh (0)