Instagram: Sherali Jo‘rayev xonadonidagi katta tantana, farzand kutayotgan Aziza Nizomova, Shahzoda Dubayga ko‘chib ketdimi?

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Aziza Xalilova “Yur, muhabbat” serialida Ulug‘bek Qodirov hamda Sitora Alimjonova bilan birga rol ijro etmoqda.

Shahzoda Matchonova dizayner Dildora Qosimovaning yangi kolleksiyasidan o‘rin olgan liboslarda fotosessiya uyushtirdi.

Xonanda Shahzodaning administratori Davron Muqimov uning Dubayga ko‘chib ketgani haqidagi gap-so‘zlar asossiz ekanligini bildirdi.

Turk kinosining mashhur juftligi Burak O‘zchivit hamda Fahriye Evjen o‘g‘illari Karanning tug‘ilgan kunini nishonlamoqda.

Hamdam Sobirovning ”Esla meni” qo‘shig‘iga ishlanayotgan klipda bosh rollarni Alisher Uzoqov va Luiza Rasulova ijro etmoqda.

21-mart kuni turmushga chiqqan Aziza Nizomova farzand kutayotgani aks etuvchi suratlar bilan bo‘lishdi. Uning aytishicha, sevgan insoni bilan bir yil avval nikohdan o‘tib, yashay boshlagan.

12-aprel kuni O‘zbekiston xalq artisti Sherali Jo‘rayev 75 yoshni qarshi oldi. Shu munosabat bilan Jo‘rayevlar xonadonida katta iftor dasturxoni yozildi hamda o‘zbek san’atining ko‘plab taniqli vakillari ustoz san’atkorni tabriklash uchun uning xonadoniga tashrif buyurdi.

Zohirshoh Jo‘rayev otasini tug‘ilgan kuni bilan o‘z sahifasi orqali tabriklab, unga iliq tilaklarini bildirdi.

Yulduz Usmonova o‘z jamoasi bilan Dubayga hordiq chiqarish uchun jo‘nab ketdi.

Botir Qodirov ham ayni paytda Dubayda hordiq chiqarmoqda.

Jasur Umirov muxlislariga “Oygul” deb nomlangan yangi qo‘shig‘ini taqdim etish arafasida turibdi.

Asal Shodiyeva noodatiy imijda muxlislariga ko‘rinish berdi.

Shohruxxonning “Kino” deb nomlangan qo‘shig‘iga uning hayotidagi eng baxtli kun lavhalari klip sifatida tanlab olindi.

Vayner Azoda hayotning har onidan zavqlanib yashashga chaqirdi.

Muqaddas Sa’dullayeva otasi ishtirokidagi eng so‘nggi olgan videosini sahifasiga joyladi. Shuningdek, aktrisa 12-aprel — onasining tug‘ilgan kunida otasi har yili nastarin sovg‘a qilgani haqida ham so‘zlab berdi.