Markaziy bank xorijiy valyutalarning o‘zbek so‘miga nisbatan 11-martda amalda bo‘ladigan qiymatini belgiladi.
Unga ko‘ra, rublning so‘mga nisbatan qiymati 11,44 so‘mga ko‘tarilib, 92,02 so‘m bo‘ldi. Shu tariqa rubl ikki kundan beri ko‘tarilishda davom etmoqda.
7-mart, dushanba kuni rublning qiymati 99,10 so‘m edi. 8-mart kuni esa 19,21 so‘mga keskin pastlab, 79,89 so‘mga tushgan edi. Bu rublning 2017-yilgi valyuta liberallashuvidan keyingi tarixiy eng past darajasi bo‘ldi. Chorshanba kuni rubl 0,69 so‘mga ko‘tarilib, 80,58 so‘m bo‘lgan edi.
Avvalroq O‘zbekistonda rubl deyarli 100 so‘mga qaytgani haqida xabar berilgan edi.