• Profilga Kirish
  • 1744009905_435.svg 1744009905_642.svg

  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
Ўзбекча
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
    • USD12768.26
    • RUB162.63
    • EUR14400.04
    • Google play
    • App Store
    • Telegram
    • Toshkentda
      +23°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    • Daryo
      • Internet-nashr
      • Tahririyat haqida
      • Aloqa ma'lumotlari
      • Foydalanish shartlari
      • Maxfiylik siyosati
      • Yangiliklar arxivi
    • Reklama
    • Ijtimoiy tarmoqlar
      • Instagram | Rasmiy
      • Instagram | Lifestyle
      • Instagram | Sport
      • Facebook | Rasmiy
      • OK | Rasmiy
      • YouTube | Daryo
      • YouTube | Daryo Rus tilida
      • YouTube | Daryo Global
    Telegram Youtube Facebook Instagram Twitter vkontakte
    Daryo logo white
    • O‘zbekiston
      • Boshqalar
      • Navoiy
      • Toshkent viloyati
      • Sirdaryo
      • Jizzax
      • Qashqadaryo
      • Surxondaryo
      • Xorazm
      • Buxoro
      • Samarqand
      • Namangan
      • Farg‘ona
      • Andijon
      • Qoraqalpog‘iston
      • Toshkent sh.
      • Mehridaryo
      • Ob-havo
    • Markaziy Osiyo
      • O‘zbekiston (Mahalliy)
      • Afg'oniston
      • Qirg‘iziston
      • Qozog‘iston
      • Turkmaniston
      • Tojikiston
    • Dunyo
    • Pul
      • Biznes
      • Iqtisodiyot
      • Moliya
      • Kripto
    • Madaniyat
      • Kino
      • Kitob
      • Musiqa
      • Shou-biznes
    • Layfstayl
      • Ayollar sahifasi
        • Farzand
        • Go‘zallik
        • Karyera
        • Maslahatlar
        • Moda
        • Retseptlar
      • Texnologiyalar
        • Arxitektura
        • Gadjetlar
        • Ilm-fan
        • Koinot
        • Media
      • Avto
      • Qo‘ziqorin
      • Sayohat
      • Salomatlik
      • Ta’lim
        • Abituriyent
        • Ingliz tilini o’rganamiz
    • Sport
      • Futbol
      • UFC
      • Boks
    infinix
    Daryo.uz - Login
    Daryo.uz Daryo.uz
    Daryo.uz - Login
    Dunyo

    “Ular odamlarni qandaydir tushunarsiz sabablar bilan o‘limga yubormoqda”. Ukrainada asirga olingan rus askarining singlisi bilan suhbat

    26-fevral kuni ijtimoiy tarmoqlarda Ukrainada tinch aholi tomonidan asirga olingan 27 yoshli rus askari Roman Bugansov so‘roq qilinayotgani aks etgan video tarqalgandi. Odamlar qurshovida dahshatga tushib, boshini changallab olgan Roman o‘zini tanishtiradi va Belgoroddagi buvisining yashash joyini aytadi. “Novaya gazeta” nashrining maxsus muxbiri Ilya Azar Belgoroddan 17 kilometr uzoqlikdagi Komsomolskiy qishlog‘ida Bugansovning singlisi Olga Dyachuk bilan suhbatlashdi. “Daryo” esa bu suhbatni o‘zbek tiliga tarjima qildi.

    Olga Dyachuk

    Olga Dyachuk
    Foto: Arden Arkman / “Novaya”

    — Mudofaa vazirligidan kimdir siz bilan aloqaga chiqdimi?

    — Yo‘q, men faqat internetdagi ma’lumotlardangina xabardorman, hech kim aloqaga chiqmadi, hozircha hech nima ma’lum emas. U bobom va buvimning qo‘lida katta bo‘lgan, buvim hozir Moskvadan bu yoqqa kelyapti.

    Roman — ko‘ngli ochiq mehribon yigit. U kikboksing bilan shug‘ullangan, sport ustaligiga nomzod edi. Keyin harbiy xizmatga borgan, undan so‘ng bir muddat Voronejdagi institutda tahsil olgan, lekin 2015-yilda o‘qishini tashlab, shartnoma tuzgan va Moskvaga ko‘chib o‘tgan. U butun hayotini harbiy xizmat bilan bog‘lashni istardi. Moskvada xotini, bolasi bor, bu yerda esa uni hamma rahmdil va kerak paytda hammani himoya qiladigan yaxshi yigit sifatida taniydi.

    — Lekin siz uning Ukrainaga yuborilganini bilarmidingiz?

    — Yo‘q, u shunchaki xizmat safariga ketayotganini aytgan. Hech qaysi qarindoshimiz uning Ukrainaga ketganini bilmasdi. Qaysi shahardaligi va qayerga ketayotgani haqida hech nima demagan.

    Qo‘rqyapman. Kunim dori ichish bilan o‘tyapti, bu xabarni qabul qilish men uchun juda og‘ir. Ahvoli nima kechishi, uni nima qilishlari, nega olib ketishgani noma’lum.

    — 24-fevral kuni Ukrainada boshlangan voqea haqida u bilan suhbatlashganmidingiz?

    — Yo‘q, fevralda u bilan gaplashmadik. Ukam bu vaqtda allaqachon xizmat safarida edi. Uni o‘shandayoq Ukrainaga o‘tkazib yuborgan bo‘lishsa kerak. Biz boshqa-boshqa shaharlarda yashardik. Men bu yerga kechagina Stariy Oskoldan ko‘chib keldim, shu yerdan ish topdim (Dyachuk — iqtisodchi-hisobchi), u esa Moskvada yashaydi. Biz kam ko‘rishamiz, suhbat esa uning ishi haqida ketmaydi, faqat yuzaki gaplar. U hech qachon aniq bir narsa aytmagan.

    — Urushga qanday munosabatdasiz?

    — Neytral munosabatdaman, bunday narsalarni tushunmayman, aralashmayman. Bu haqida o‘ylashning o‘zi dahshat, shu sababli yangiliklarni ko‘p tomosha qilmayman, tafsilotlariga qiziqmayman. Ilgari internet xabarlarini ham o‘qimay o‘tkazib yuborardim, hozir esa barcha yangiliklar va internetni ko‘zdan qochirmayapman — ukam haqida qandaydir yangilik bo‘lib qolar. Tanishlarim qo‘ng‘iroq qilib, u yoqda nimalar sodir bo‘layotgani haqida aytadi. Men bu borada betarafman.

    — Lekin qanday qilib harbiy harakatlarga betaraf bo‘lish mumkin?

    — Boshqa qanday munosabatda bo‘lishim kerak? Ukrainada qarindoshlarim bor, dadam va u tomondan ko‘p qarindoshlarim o‘sha yerda yashaydi. To‘g‘ri, ular bilan 12 yildan beri aloqa qilmaymiz.

    Ular (ukrainaliklar) ham biz kabi odam, muammoni boshqacha hal qilishning imkoni yo‘q edi, deb o‘ylamayman. Hozir menga juda og‘ir, chunki ukam shunday ahvolga tushib qoldi, buni hech kimga ravo ko‘rmayman. Ukam so‘roq qilingan video ostidagi izohlarni o‘qidim, uni umuman tanimaydigan odamlar og‘ziga kelganini aytib yotibdi. Ukamdan tashqari, qo‘lga tushgan yana ko‘plab yigitlar bor, ularning qarindoshlari ham men kabi hammasini o‘qib o‘tiradi.

    Hozir ukamni asirga olgan kishilarga nisbatan salbiy munosabatdaman. Uni harbiylar emas, balki oddiy fuqarolar asirga olgan. Tinch aholi nima uchun bunday qilganini tushunmayman. Ukam va u kabilar harbiy ekanini, u yoqqa o‘z ixtiyori bilan bormaganini, buyruqni bajarishga majbur ekanini, chunki bunday narsalarni rad qilib bo‘lmasligini, nahotki, ular tushunmasa? Shusiz ham u yuragini hovuchlab o‘tirgan bo‘lsa-da, bosim o‘tkazib, har tomondan haqorat yog‘dirishyapti. Axir ular qandaydir o‘n daqiqada nimalar yuz berishi mumkinligini bilmaydi-ku.

    — Har kimning o‘z haqiqati bor. Yurtiga boshqa mamlakatdan qo‘shin tortib kirilgan, portlashlar va otishmalar ichida qolgan odamlar o‘rniga o‘zingizni qo‘yib ko‘ring. Ular o‘z vatanini himoya qilishga urinishi tabiiy.

    — Buni tushunaman, lekin baribir bunday qilish aqldan emas, ular to‘g‘ri ish qilgan, deb o‘ylamayman. Ukam hech kimni o‘ldirmagan, u snayper emas, aloqachi bo‘lgan, shunchaki bir aholi punktidan boshqasiga o‘tgan. Ular hech kimga va hech qayerga hujum qilish niyatida bo‘lmagan. Asirlar u yerga nima maqsadda borgani bilan hech kimning ishi yo‘q (videotasvirda Bugansovdan qayoqqa ketayotgani haqida so‘ralganda u benzovozlarni olib ketayotganini aytadi).

    — Yo‘qotishlar, albatta, bor, lekin Mudofaa vazirligi hali ham buni tan olmayapti.

    — Albatta, kattagina yo‘qotishlar bo‘lyapti. Hech kim haqiqatni aytmayapti. Aytsa, odamlar vahimaga tushib qoladi, chunki odamlar hozir bizning hamma narsaga qodir, qudratli va yengilmas davlat ekanimizga mutlaqo shubha qilmaydi.

    Ukraina mag‘lub bo‘ladi va qo‘lga olinadi, deb o‘ylaydi ular. Lekin Ukrainada ham odamlar yashaydi, ular ham kurashmoqda, Rossiyada ham yo‘qotishlar bo‘lishi tabiiy. Ular haqida gapirilmasa, bu ularning yo‘qligini anglatmaydi.

    Televizorda ko‘rsatilayotgan yangiliklarning yarmi — uydirma yoki yuzaki narsalar. Bularning barchasi odamlar ichiga vahima solmaslik uchun qilinmoqda, chunki ular allaqachon vahimaga tushib bo‘lgan. Odamlar qandaydir g‘alati, tushunish qiyin bo‘lgan ishlarni qilyapti: yoqilg‘i g‘amlagan, pul yechib olgan, qayoqqadir ketayotgan. Bu yerdan uzoqroq joyda yashaydigan yaqinlaring bo‘lsa, o‘shalar bilan birga vaziyat o‘nglanishini kutish yaxshidir, balki.

    — 2014-yildan so‘ng siz yoki Roman Ukrainaga qanday munosabatda bo‘lgansiz?

    — U bilan bunday mavzularda gaplashmasdik, men esa buni siyosatchilar ishi deb hisoblayman. Ochig‘i, shaxsan menga Qrim kimga tegishli ekani ahamiyatsiz. Lekin tepada bir parcha yer uchun boshqalarni qurbon qilishdan toymaydigan odamlar bor. Negadir ularning o‘zi jang qilishga bormaydi, bir yerda o‘tirib, buyruqlar o‘ylab topadi, qarorlar qabul qiladi, odamlarni ajal komiga yuboradi.

    Shu bilan birga, ular o‘z qilmishini tan olmaydi, ularning qarindoshlari ham biz kabi ojiz, yaqinlariga nimalar bo‘layotganidan mutlaqo bexabar.

    Tushunaman, Rossiya — mening vatanim, shu mamlakat fuqarosi ekanligimni bilaman. Lekin bizning mamlakat ham Ukraina qilayotgan ishni qilyapti. Ular jangovar harakatlarni to‘xtatmayapti va hech qanday kelishuvga ko‘nmayapti. Ular ham xuddi shunday yo‘l tutmoqda va men Ukraina va Rossiyaga turlicha munosabatda bo‘la olmayman. Ular odamlarni qandaydir tushunarsiz sabablar bilan o‘limga yubormoqda. Odamlarimiz nima uchun u yerda yurganining aniq sababi bormi?

    — Putin Ukrainani harbiylar va fashistlardan ozod qilmoqchi ekanini aytgan.

    — Ukrainani “ozod qilaman” deb, hali hayotni ko‘rmagan, na oilasi, na farzandi bo‘lgan yosh yigitlar yoki uyida oilasi kutayotgan kishilar halok bo‘lmoqda. Ular qaytib kelmaydi, chunki buyruq berishdan boshqasiga yaramaydigan kimdir mamlakatni ozod qilmoqchi. Bunday bo‘lmasligi kerak, menimcha. Bu adolatdan emas. Hozir unda, menimcha, murojaatimni ko‘rish imkoniyati yo‘q (Dyachuk videomurojaat yozish taklifini rad qildi). Xalq esa urushni xohlamagandi, ular (askarlar) ham jang qilishni istamagan, ularning fikri bilan hech kim qiziqmagan, shunchaki jo‘natib yuborishgan.

    Mayskiydan uncha uzoq bo‘lmagan Komsomolskiyda vaziyat tinchmi, degan savolga Dyachuk ijobiy javob berdi. Komsomolskiyda snaryad qulashidan bir bola jabrlangan va beshta bino jiddiy zarar ko‘rgan. Biroq men podyezddan chiqqanimdan so‘ng uch daqiqa o‘tib, uzoqdan artilleriyaning bo‘g‘iq ovozi eshitildi va u yashayotgan uyning qoq tepasidan harbiylar vertolyoti pastlab uchib o‘tdi.

    28.02.2022, 16:20   Izoh (0)   97776
    Facebook Twitter LinkedIn Telegram Email

    Izoh (0)

    Kirish
    Javob qoldiring Bekor qilish

    ×Lightbox Image

    Daryo.uz | Sizning muammoingiz yechimi


    Sistit — bu uyat emas!


    InfinBANK Visa Direct orqali xalqaro pul o‘tkazmalariga qo‘yilgan limitlarni oshirdi 


    Octobank bankomatlarni BS/2 bilan birga “aqlliroq” qiladi


    Abadiy ishonchlilik va xavfsizlik: GWM sohaning yangi standartlarini joriy etmoqda


    “Biznesni rivojlantirish banki” biznes uchun qulay innovatsion bank bo‘lishga intilmoqda


    MKBANK xalqaro moliya bozorida: Qozog‘iston banklaridan 15 million dollar jalb qilindi


    Chery gazga o‘tmoqda: kafolat to'liq saqlanib qolinadi, o‘rnatish esa 31 maygacha bepul! 


    Centrum Air yangi Airbus A320neo — aviaparkidagi to‘qqizinchi samolyotni qabul qilib oldi 


    “O‘zbekinvest” IUA aʼzosiga aylandi va Londonning global sug‘urta bozorida o‘z mavqeini mustahkamladi


    2025-yilning 5 oyi davomida Mobiuz minglab tayanch stansiyalarini ishga tushirdi va texnik infratuzilmani zamonaviylashtirdi


    “Akkermann sement” xalqaro forumi: qurilish materiallari sohasidagi muammolar keng tahlil qilindi


    So‘zlar ahamiyatga ega: TBC Bank 8-mart tabriklarini pullarga aylantirib, ayollar tadbirkorligini qo‘llab-quvvatladi


    Ipoteka Bank OTP Group o‘zini o‘zi band qilganlarga yangi ipoteka dasturini ishga tushirdi: hujjatlarsiz, asabbuzarliksiz, samarali natijalar bilan


    ANORBANK va BS/2 O‘zbekistonda banklarda o‘z-o‘ziga xizmat ko‘rsatish tarmog‘ini kengaytirmoqda


    UZTELECOM 10 Gbit/s tezlikdagi uy internetini foydalanuvchilarga taqdim etdi

     

    Tavsiya etamiz

    Hitlerdan so‘ng eng mashhur natsist – dorga osilgan Ribbentropning ayanchli taqdiri

    31 may, 19:25

    “Ikki xonali uy uchun 715 mln so‘mdan”. “Daryo”dagi maqoladan so‘ng poytaxt hokimligi uysiz qolgan aholiga xonadon sotib olish uchun mablag‘ ajratdi

    28 may, 21:15

    Budapesht fasadlari: sanʼat ko‘chada yashaydi (foto)

    27 may, 10:00

    Gestapo va KGB xizmatida bo‘lgan buxorolik “Shtirlits”

    26 may, 19:00
     
     
     

    So‘nggi yangiliklarga o‘tish

    DNK orqali inson yuzini shakllantiruvchi texnologiya yaratildi

    Dunyo | 1 iyun, 07:30

    Toshkent viloyatidagi tezkor tadbirlarda qariyb 40 kg giyohvandlik vositasi, 30 dona qurol, 1,6 mingta tig‘li jism aniqlandi

    O‘zbekiston | 1 iyun, 06:20

    Nigeriyada suv toshqinlaridan halok bo‘lganlar 151 kishiga yetdi

    Dunyo | 1 iyun, 00:10

    BMT yadro agentligi: Eron uran zaxiralarini ko‘paytirmoqda

    Dunyo | 31 may, 23:50

    Jizzaxda 667 mln so‘mlik zargarlik buyumlarining noqonuniy savdosiga chek qo‘yildi

    O‘zbekiston | 31 may, 23:35

    Kelgusi hafta avvalida havo harorati 40 darajagacha ko‘tariladi

    O‘zbekiston | 31 may, 23:10

    Yomg‘ir suvini elektr energiyasiga aylantirish yo‘li topildi

    Dunyo | 31 may, 22:55

    Bolalar ombudsmani Magic City’da suitsid sahnasi namoyish etilgani yuzasidan izoh berdi

    O‘zbekiston | 31 may, 22:35
    Daryo About Us

    “Daryo” internet-nashrining (O‘zbekiston matbuot va axborot agentligi (O‘zMAA, hozirgi O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi) tomonidan 13.03.2015 yil sanasida 0944-sonli guvohnoma bilan ommaviy axborot vositasi sifatida ro‘yxatga olingan. Matnli materiallarni to‘liq ko‘chirish yoki qisman iqtibos keltirishga, shuningdek, fotografik, grafik, audio va/yoki videomateriallaridan foydalanishga “daryo.uz” saytiga giperhavola mavjud bo‘lgan va/yoki “Daryo” internet-nashrining muallifligini ko‘rsatuvchi yozuv ilova qilingan taqdirda yo‘l qo‘yiladi. Chop etiladigan ba’zi ma’lumotlar 18 yoshga to‘lmagan foydalanuvchilarga mo‘ljallanmagan bo‘lishi mumkin. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» MChJ, 2013–2025

    Yosh bo‘yicha cheklov

    Xato topdingizmi? Ctrl+Enter’ni bosing

    • Foydalanish shartlari
    • Maxfiylik siyosati
    • Reklama
    Nimani qidiramiz?

    Sign In or Register

    Xush kelibsiz!

    Tizimga kiring yoki Roʻyxatdan oʻting.

    Google

    yoki E-Pochta orqali

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Roʻyxatdan oʻting

    Roʻyxatdan oʻtganmisiz? Login.

    Google

    yoki E-Pochta orqali

    Sizga parol elektron pochta orqali yuboriladi.

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Matnda xato topdingizmi?

    ×

    Rahmat. Biz sizning xabaringizni oldik va xatoni imkon qadar tezroq tuzatamiz.