Bugun,

  • USD 11095.31
  • RUB 173.84
  • EUR 10772.44

Jahon mobil kongressi (MWC 2022) — AKT sohasi vakillari, biznes hamjamiyatlari va butun dunyodagi innovatsion texnologiyalar ishtiyoqmandlari uchun o‘z eshiklarini ochayotgan yirik tadbirlardan biri. An’anaga ko‘ra, tadbir joriy yilda 183 dan ortiq davlatdan bo‘lgan 1800 ta kompaniyani o‘zida birlashtirib, Fira Barcelona ko‘rgazma majmuasida o‘tkazilmoqda. Tadbir doirasidagi forum va uchrashuvlarda 1000 dan ortiq ekspert spikerlar ishtirok etmoqda.

Tadbirda asosan 5G texnologiyalari, sun’iy intellekt, bulutli texnologiyalar, moliyaviy texnologiyalar va xizmatlar, hamma narsalar internet (Internet of everything), shuningdek, vertikal sohalar uchun innovatsiyalarni qo‘llash mavzulariga e’tibor qaratilmoqda.

Huawei yirik AKT kompaniyasi sifatida Jahon mobil kongressining doimiy ishtirokchisi hisoblanadi. 2022-yilda Huawei kompaniyasi dunyoning barqaror rivojlanishini qo‘llab-quvvatlash uchun soddalashtirilgan, ekologik toza va “aqlli infratuzilma”ni qurish uchun o‘z stendlari va forumlarida eng so‘nggi innovatsiyalarga alohida e’tibor qaratmoqda. Innovatsion texnologiyalar va yechimlar orqali Huawei operatorlarga yaxshiroq AKT infratuzilmasini yaratishda yordam berishga intilib, iste’molchilar uchun maqbul tajribani taqdim etmoqda va sanoatning raqamli transformatsiyasini tezlashtirmoqda.

27-fevral kuni MWC oldidan Huawei kompaniyasi Lighting Up the Future nomli forum o‘tkazdi va ushbu forum davomida 5G texnoligiyasini qo‘llash afzalliklari, yangi biznes modellarini yaratish va 5G’ning tijorat muvaffaqiyatini tezlashtirish imkoniyatlari, shuningdek, raqamli va “aqlli transformatsiya” operatorlariga samaradorlikni oshirish va yangi marralarga ko‘tarilish imkonini beradigan yashil, ishonchli, samarali va “aqlli AKT infratuzilma” yaratish mavzulari ko‘rib chiqildi.

Jahon raqamli iqtisodiyoti jadal sur’atlar bilan rivojlanmoqda. 2022-yilda jahon yalpi ichki mahsulotining 50 foizdan ortig‘i raqamlashtiriladi. Xitoy, Janubiy Koreya va Yevropa Ittifoqi kabi ko‘plab mamlakatlar va mintaqalar allaqachon raqamli iqtisodiyot borasida katta investitsiya rejalarini tuzib qo‘yishganini e’lon qilishgan. Huawei ijrochi direktori va operatorlar bilan ishlash bo‘yicha bo‘lim direktori Rayan Din o‘zining asosiy ma’ruzasida raqamli iqtisodiyotning hayotiyligini uchta omil bilan baholash mumkinligini tushuntirdi: ulanish zichligi, hisoblash resurslarining xilma-xilligi va uglerod chiqindilarini kamaytirish jadalligi. Bu omillar operatorlarga kelgusida raqamli iqtisodiyotni shakllantirish uchun ularga zarur imkoniyatlarni taqdim etadi.

“Ulanish zichligini oshirish orqali operatorlar o‘zlarining 5G foydalanuvchi bazasini ko‘paytirishi va o‘z biznesini kengaytirishi mumkin. Uglerod chiqindilarini kamaytirish nuqtayi nazaridan Huawei kompaniyasiniki kabi yangi ekologik toza AKT yechimlar tarmoq sig‘imini oshiradi va ekologik rivojlanish uchun energiya sarfini kamaytiradi”, — deya qo‘shimcha qildi Rayan Din.

5G’ning tijorat yo‘nalishi ikki yil avval boshlangan va o‘shandan beri 5G tarmoqlari, foydalanuvchilari va qurilmalari soni tez sur’atlar bilan o‘sib kelmoqda. 2021-yil oxiriga kelib, 200 dan ortiq operatorlar 700 milliondan ortiq 5G foydalanuvchilariga xizmat ko‘rsatuvchi tijorat 5G tarmoqlarini o‘rnatishdi. O‘zbekistonda uchta aloqa operatori beshinchi avlod tarmoqlarini tijorat oldi sinovidan o‘tkazdi.

Jahon mobil kongressi 2022-yil 28-fevraldan 3-martgacha bo‘lib o‘tadi. O‘zbekistonning raqamli transformatsiyani jadallashtirishdan manfaatdorligini inobatga olib, mobil operatorlar va AKT regulyatorlari delegatsiyasi tajriba almashish va kelgusida respublikaning AKT infratuzilmasini mustahkamlash uchun qo‘llanilishi mumkin bo‘lgan raqamli trendlarni o‘rganish maqsadida tadbirda ishtirok etmoqda.

Reklama huquqi asosida.

Izoh
Asosiy yangiliklar
Dunyo
Hindistonda voyaga yetmagan qizlarga uylanishda ayblanib, 2 mingdan ortiq erkak hibsga olindi
Dunyo
AQSH harbiylari mamlakat osmonida uchayotgan Xitoy sharini urib tushirdi. Pekin norozilik bildirdi (video)
Dunyo
“Putin menga Zelenskiyni o‘ldirmaslikka va’da bergan” — Isroil sobiq bosh vaziri Bennet Rossiya prezidenti bilan suhbati haqida gapirib berdi