NATO bosh kotibi Yens Stoltenberg alyansning harbiy kuchlari yuqori darajadagi shaylik holatiga keltirilganini ma’lum qildi. Bu haqda Stoltenberg NATO komissiyasining navbatdan tashqari uchrashuvida ta’kidlab o‘tgan.
“NATOning javob kuchlari yuqori shay holatga keltirilgan, biz buni bir necha hafta oldin amalga oshirgandik, ammo bu kuchlar joylashtirilmagan edi”.
Uning ta’kidlashicha, AQSh Ruminiyaga, Germaniya Litvaga bo‘linmalarini yuborgan, Buyuk Britaniya esa Estoniyadagi harbiylari sonini ikki barobar oshirgan.
“Ko‘plab bo‘linmalar hozirda jangovar holatga keltirilgan. Ular o‘z lagerlaridan chiqib, dala sharoitida bo‘lib turibdi va zarba berishga tayyor. NATO barcha ittifoqdoshlarini qo‘riqlash va himoya qilishda qat’iy hamda birdam”, — deyiladi xabarda.
Alyansning boshqa ittifoqchilari, jumladan, Ispaniya, Niderlandiya va Daniya Sharqiy Yevropa mamlakatlariga kema va samolyotlarni yuborish bo‘yicha qaror qabul qilgan.
“100 dan ortiq reaktiv samolyotlari yuqori shaylik holatiga keltirilgan. Ittifoqchilarning 120 dan ortiq kemalari Uzoq Shimoldan O‘rta Yer dengizigacha joylashtirilgan. Alyansni tajovuzlardan himoyash uchun barcha zarur ishlarni qilishni davom etamiz”, — deya ta’kilanadi xabarda.
Bundan oldin Estoniya va Latviya 693 million yevrolik harbiy texnika sotib olmoqchiligi, AQSh Boltiqbo‘yi davlatlarining Ukrainaga Javelin va Stinger yetkazib berishiga ruxsat bergani, Litva rossiyalik harbiylarning Belarusga kelishini to‘g‘ridan to‘g‘ri tahdid sifatida baholagani, Estoniya, Latviya va Litva NATOdan ularning hududidagi harbiy ishtirokini oshirishni so‘ragani haqida xabarlar berilgan.
Izoh (0)