Bugun,

  • USD 11095.31
  • RUB 173.84
  • EUR 10772.44

AQSh Rossiya davlat qarzi hamda mamlakat elitasiga qarshi sanksiyalar joriy etdi. Bu haqda mamlakat prezidenti Jo Bayden Ukrainadagi vaziyat muhokamasiga bag‘ishlangan brifingda ma’lum qilgan.

Foto: Getty Images

Foto: Getty Images

Jo Bayden Rossiyaning LXR va DXRning mustaqilligini tan olishini Ukrainaga uyushtirilgan hujumga teng harakat ekanligini ta’kidladi. Shuningdek, Putinning murojaatdagi so‘zlari uning Ukraina muammosini yechish niyatida emasligidan darak bergan.

“AQSh Rossiya bilan urishish niyatida emas, lekin Vashington NATOning har bir dyumini oxirigacha himoya qilishga tayyor”, — degan Bayden.

AQSh Moskvaning kelgusidagi harakatlariga bog‘liq ravishda yana kengayishi mumkin bo‘lgan to‘rt blokdan iborat sanksiyalarni joriy qilgan.

Bir blokda Rossiya moliyaviy institutlari, banklar va “Severniy potok-2” (“Shimoliy oqim-2”) gaz tarmog‘iga nisbatan sanksiyalar mavjud. Yana bir blokdagi taqiq hamda cheklovlar Rossiya elita qatlami va ularning oila a’zolariga taalluqli. Shuningdek, Rossiya suveren qarziga taalluqli sanksiyalar ham belgilangan.

Rossiya prezidenti Vladimir Putin 21-fevral kuni Xavfsizlik kengashi yig‘ilishida DXR va LXR mustaqilligini e’lon qilish taklif etilganidan keyin, mamlakat fuqarolariga murojaat yo‘lladi va respublikalarning mustaqilligini tan olish haqidagi farmonni imzoladi. 22-fevralda Donbassdagi respublikalarning parlamentlari, Rossiya davlat dumasi va federatsiya kengashi ushbu hujjatlarni ratifikatsiya qilgan.

Shuningdek, Rossiya federatsiya kengashi 22-fevralda Putinning Donbass hududida mustaqilligi tan olingan respublikalarga harbiy qo‘shin yuborishiga ruxsat berdi. Shundan keyin Putinning o‘zi qo‘shinlarni respublikalar hududiga kiritish borasidagi yakuniy qaror vaziyatning qanday rivojlanishiga bog‘liqligini qayd etdi. Kun oxiriga borib Rossiya TIV DXR va LXR bilan rasman diplomatik munosabatlar o‘rnatilganini e’lon qildi.

Izoh
Asosiy yangiliklar
Dunyo
Qozog‘iston hukumati iste’foga chiqdi
Mahalliy
Turkiyada 22 yoshli o‘zbek fuqarosi vatandoshlari tomonidan ayovsiz kaltaklangani, shifoxonaning jonlantirish bo‘limida ekani aytilmoqda (video)
Dunyo
AQSH Ukrainadagi urush jinoyatlari bo‘yicha xalqaro tribunal yaratishni qo‘llab-quvvatladi