Buxoro viloyatining Buxoro shahrida 22-fevral kuni o‘zini yetti qavatli uy tomidan pastga tashlashga uringan 16 yoshli qiz qutqarilgani xabar qilingandi. Bosh prokuratura matbuot kotibi Hayot Shamsutdinov holat yuzasidan qo‘shimcha ma’lumot berdi.
Qayd etilishicha, shu kuni soat 11:30 larda 2006-yilda tug‘ilgan qiz onasi bilan janjallashib, uni qo‘rqitish maqsadida 7 qavatli uyning tom qismiga chiqqan. Xabarga asosan hodisa joyiga tezkor-tergov guruhi chiqqan va ichki ishlar xodimlari tomonidan qiz ushbu uyning tom qismidan tushirilgan.
Qiz bilan suhbat o‘tkazgan psixolog o‘z tushuntirishida qizning o‘z joniga qasd qilish maqsadi bo‘lmaganini, boshqalarni e’tiborini o‘ziga jalb qilish uchun shu holatni sodir qilganini, shu sababli 1 soat davomida uyning tom qismida o‘z joniga qasd qilmasdan qolib ketganini bildirgan.
Holat yuzasidan Buxoro shahar prokuraturasi tomonidan tergovga qadar tekshiruv olib borilmoqda.
Izoh (0)