Машҳур инсонлар усталик билан «яширилган» фимлар (фото)

Фильмларда шундай роллар бўладики, кадрда машҳур актёрларни уларнинг энг ашаддий мухлислари ҳам таний олмайди.

AdMe нашри режиссёрлар ўз картиналарида актёрларни моҳирлик билан ўзгартирган фильмлар тўпламини эътиборингизга ҳавола қилади.

Жефф Безос — «Стартрек: Чексизлик»

Жефф Безосни космик флот аъзоси сифатида таниб олишнинг иложи йўқ, аммо қалин гримм қатлами ортида ҳақиқатан ҳам Amazon асосчиси турибди. Бизнесмен «Стартрек» франшизасининг ашаддий мухлиси, шунинг учун фильмда, ҳатто жуда кичик эпизодда бўлса ҳам суратга тушиш унинг учун шараф эди.

Крис Айзек — «Қўзичоқлар сукунати»

«Ёвуз ўйин» фильми билан танилган америкалик мусиқачи Крис Айзек шов-шувли триллерда кичик ролда махсус кучлар қўмондони (Ганнибал Лектерни қўриқлаган) образини яратган.

Леди Гага — «Қора кийимдаги одамлар-3»

Актриса сифатида дунё тан олинишидан анча олдин Леди Гага фильмларда кўпроқ эпизодик ролларни ўйнаган. 2012 йилда қўшиқчи бир лаҳзага ўзга сайёраликни ўзида мужассам этган «Қора кийимдаги одамлар»нинг учинчи қисми кадрида пайдо бўлди. Бунинг учун у ташқи қиёфасини ўзгартириши шарт эмас эди.

Игги Поп — «Марҳум»

Игги Попнинг фильмографияси бир нечта фильмларни ўз ичига олади. Аммо рок юлдузи Жим Жармуш фильмидаги воиз роли билан мухлисларни ҳайратда қолдиришга муваффақ бўлди.

Мартин Скорсезе — «Беғуборлик даври»

Режиссёрлар кўпинча ўз фильмларини ўзларининг иштироки билан тўлдиришади. Мартин Скорсезе ҳам бундан қуруқ қолмади: мелодрама саҳналаридан бирида фотограф ролини ўйнади.

Тэйлор Свифт — «S.С.I.: Жиноят жойи»

Хонанда 2009 йилда детектив сериалнинг эпизодларидан бирида ўсмир қиз ролини ўйнаган, у ноодатий қиёфа — қорасоч қиз сифатида экранда пайдо бўлган.

Мик Жаггер — «Бейкер кўчасидаги талончилик»

Мик Жаггернинг «Бейкер кўчасидаги талончилик» жиноий триллеридаги образи энг камтарин ролдир. Мусиқачи кадрда бир неча сониягагина пайдо бўлган банк ходимини ўйнаган.

Cardi B — «Форсаж-9»

Франшизанинг сўнгги фильмидаги Cardi B роли кичик бўлса-да, аммо жуда ёрқин. Хип-хоп хонандаси Доминикнинг азалий дўсти Лейси ролини ўйнаган.

Рики Мартин — «Американча жиноят тарихи»

Жанни Версаченинг сирли ўлдирилишига бағишланган сериалнинг иккинчи мавсумида қўшиқчи қайғуга ботган моделер ва дизайнернинг яқин дўсти Антонио Д'Амико образида кўриниш берди. Айтиб ўтиш керакки, Мартин ўз вазифасини аъло даражада бажарган.

Кристина Агилера — «Зои»

«Зои» илмий-фантастик драмасидаги Жевелс исмли андроид роли Кристинанинг кинокарьерасидаги иккинчиси бўлди. Қўшиқчининг фильмда Юен Макгрегор ва Леа Сейду каби экран юлдузлари билан биргаликда рол ижро этди.

Стивен Кинг — «У-2»

«Даҳшатлар қироли» кўпинча ўзининг китоблари асосида экранлаштирилган фильмларда кўриниш беради. «У-2» фильмида уни болалар велосипедини сотиб олган антиқа буюмлар дўкони эгаси Билл Донбро ролида кўриш мумкин.