Futbol bo‘yicha Ispaniya La Ligasining 22-turida “Real Madrid” 23-yanvar, yakshanba kuni “Elche”ni qabul qildi.
Uchrashuvning 33-daqiqasida madridliklar oldinga o‘tib olishi mumkin edi, biroq Karim Benzema penaltidan unumli foydalana olmadi. 42-daqiqada Lukas Boye mehmonlarni oldinga olib chiqdi.
Ikkinchi bo‘lim ham mezbonlarning total ustunligida o‘tdi, ammo “Elche” futbolchilarining ikkinchi zarbasi ham golga aylandi. 82-daqiqada Luka Modrich 11 metrlik jarima zarbasini aniq amalga oshirgan holda hisobni qisqartirdi. Hakam tomonidan qo‘shib berilgan vaqtda Eder Militao muvozanatni tiklashga muvaffaq bo‘ldi.
“Real” 51 ochko bilan peshqadamlik qilmoqda. “Elche” (24) esa 15-pog‘onadan joy olgan.
La Liga
22-tur bahslari
23-yanvar, yakshanba
“Real Madrid” — “Elche” 2:2
Gollar: 0:1 – 42 Boye, 0:2 – 76 Milya, 1:2 – 82, penalti Modrich, 2:2 – 90+2 Militao.“Real Madrid”: Kurtua, Alaba, Militao, Mendi, Modrich, Kroos (Rodrigo, 64), Kazemiro, Vaskes (Valverde, 79), Benzema (Yovich, 58), Azar (Isko, 79), Vinisius Junior.
“Elche”: Badiya, Palasios, Verdu, Diyego Gonsales, Moxika, Gumbau, Guti, Morente (Fidel, 24), Lukas Peres (Xosan, 88), Boye, Milya.
Ogohlantirishlar: Militao (54), Fidel (55), Vinisius Junior (72), Alaba (90+4).
Izoh (0)