Futbol bo‘yicha Italiya A Seriyasining 23-turida “Inter” 22-yanvar, shanba kuni “Venetsiya”ni mehmon qildi.
Foto: Getty Images
Uchrashuvda hisob 19-daqiqada mehmonlar hujumchisi Toma Anri tomonidan ochildi. Birinchi bo‘lim so‘ngida esa Nikolo Barella muvozanatni tiklashga muvaffaq bo‘ldi. Uchrashuvning so‘nggi, 90-daqiqasida Edin Jeko o‘z nomiga gol yozdirib qo‘yib, “Inter”ning irodali g‘alabasini ta’minladi.
G‘alabadan keyin “Inter” 53 ochko bilan peshqadamlikni yanada mustahkamladi. “Venetsiya” 18 ochko bilan 17-o‘rindan joy olgan.
A Seriya
23-tur bahslari
22-yanvar, shanba
“Inter” – “Venetsiya” 2:1
Gollar: 0:1 – 19 Anri, 1:1 – 40 Barella, 2:1 – 90 Jeko.
“Inter”: Handanovich, Darmian (Dumfris, 73), de Vrey, Shkrinyar, Bastoni (Dimarko, 46), Perishich, Brozovich (Vesino, 82), Chalxono‘g‘lu, Barella (Vidal, 72), Jeko, Martines (Sanches, 73).
“Venetsiya”: Lezerini, Modolo, Kaldara, Chekkaroni, Ullmann, Ampadu, Vakka (Fordilino, 25), Kyuizans (Perets, 66), Tessmann (Kiyin, 66), Anri (Nani, 82), Okereke (Sigurdsson, 82).
Ogohlantirishlar: Barella (25), Bastoni (27), Lezerini (40), Modolo (45), Kiyin (68), Kaldara (79), de Vrey (80).
