TJournal’ning qayd etishicha interyer suratlari surishtiruvdagi 3D-vizualizatsiyaga mos keladi.

Korrupsiyaga qarshi kurashish fondining YouTube’dagi kanalida “Putin saroyi” haqidagi jurnalistik surishtiruvning ikkinchi qismi e’lon qilindi. Material saroydan olingan real suratlar bilan to‘ldirilgan.

Foto: Tjournal

Foto: Tjournal

Foto: Tjournal

Mariya Pevchix va Georgiy Alburovning ma’lum qilishicha, “Putin saroyi” haqidagi surishtiruv e’lon qilinganidan keyin Rossiya federal kanallaridagi lavhalarda ushbu rolik multfilmga qiyoslangan, sababi Navalniy interyerning yasama nusxasini namoyish qilgandi. Endi muxolifatchining tarafdorlari Gelenjikdagi uyning real fotosuratlarini e’lon qilishdi.

Foto: Tjournal

Foto: Tjournal

Pevchix va Alburovning aniqlik kiritishicha, fotosuratlar eski, hozirda saroy devorlari tozalab qo‘yilgan. Mualliflar suratlar qachon va qanday yo‘l bilan olinganini oshkor etmagan.

Korrupsiyaga qarshi kurash fondi 2021-yil 19-yanvarda “Putin uchun saroy. Eng katta pora tarixi” filmini tarmoqqa yukladi. Qasr hududida kazino, chilimxona, ombor, o‘yin avtomatlari va boshqa ko‘ngilochar maskanlar mavjud.

“Putin saroyi” ijtimoiy tarmoqlarda keskin muhokamalarga sabab bo‘ldi. Gelenjikdagi saroy haqida avval ham ko‘pchilik bilgan, ammo qayta tayyorlangan interyer prezident didi va u yoqtirgan hashamat haqida axborot bermoqda. Putinning o‘zi “qasr” haqidagi filmda ko‘rsatilgan narsalarning hech biri unga tegishli emasligini aytib, videoga izoh bergan.

Mazkur film 2021-yil yakuniga ko‘ra, Rossiyada YouTube’ning eng ommalashgan videosi deb topilgan.