Bugun,

  • USD 11014.01
  • RUB 191.8
  • EUR 10674.78

O‘zbekiston yo‘llarida sodir bo‘lgan baxtsiz hodisalar tafsilotlarini taqdim etamiz.

Chilonzorda 8 ta avtomobil o‘zaro to‘qnashdi

Foto: YHXBB

Foto: YHXBB

2022-yil 7-yanvar kuni soat 10:50 larda Toshkent shahar Chilonzor tumani Bunyodkor shohko‘chasida F.M. (1998-yilda tug‘ilgan) boshqaruvidagi Malibu, I.P. (1988-yilda tug‘ilgan) boshqaruvidagi Spark va D.A. (1983-yilda tug‘ilgan) boshqaruvida bo‘lgan yana bir Spark avtomobili ishtirokida YTH sodir bo‘lgan.

To‘qnashuv natijasida haydovchi I.P. boshqaruvida bo‘lgan Spark yo‘lovchisiga tez tibbiy yordam ko‘rsatilgan.

Shuningdek, 7-yanvar kuni Chilonzor tumanida, Chilonzor ko‘prigi ustida 5 ta avtomobil (2 ta Cobalt, Nexia, Lacetti va Malibu ishtirokida sodir bo‘lgan YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Namanganda “Gazel” piyodani urib ketdi

Foto: Namangan IIB

Foto: Namangan IIB

2022-yil 4-yanvar kuni soat 20:30 larda Namangan tumani Ravnaq mahallasi hududida Namangan tumanida yashovchi fuqaro (1995-yilda tug‘ilgan) “Gazel” avtomashinasini ishonch qog‘ozi orqali boshqarib borayotib, harakat xavfsizligini ta’minlay olmay, yo‘lni kesib o‘tayotgan piyoda Namangan tumanida yashagan fuqaroni (1961-yilda tug‘ilgan) urib yuborgan.

Piyoda olgan tan jarohati oqibatida shifoxonada vafot etgan.

Ushbu holat bo‘yicha Namangan tuman IIB huzuridagi TB tomonidan 2022-yil 4-yanvar kuni Jinoyat kodeksining 266-moddasi 1-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.

Jizzaxda Lacetti va Cobalt to‘qnashdi

Jizzax viloyati Sharof Rashidov tumanida 5-yanvar kuni soat 02:00 larda Toshkent–Termiz avtomobil yo‘lining 998-kilometrida haydovchi (1997-yilda tug‘ilgan) Lacetti avtomobilini boshqarib ketayotganda shu yo‘nalishdagi Cobalt’ning orqa qismiga urilib, YTH sodir etgan.

Oqibatda Lacetti yo‘lovchisi bo‘lgan ayol (1992-yilda tug‘ilgan) bosh miya chayqalishi va peshona suyagi sinishi tashxisi bilan shifoxonaga yotqizilgan.

Hozirda tergovga qadar tekshiruvlar davom etmoqda.

Izoh
Asosiy yangiliklar
Mahalliy
O‘zbekistonda sentabr oyida eng qimmat va eng arzon palov qayerda tayyorlangani ma’lum qilindi
Sport
Futzal bo‘yicha Osiyo Kubogi. O‘zbekiston 7 ta gol urilgan o‘yinda Bahraynni tor-mor etdi
Dunyo
Alla Pugachyova qasrini 1 milliard rublga sotuvga qo‘ydi