O‘tgan hafta davomida “O‘zbekiston respublika tovar-xomashyo birjasi” AJning barcha savdo platformalarida 1 858,7 milliard so‘mlik tovarlar sotildi. Bu haqda Spot xabar qildi.
Qayd etilishicha, savdolar avvalgi haftaga nisbatan 19,3 foizga kamaygan. Bunda sotuvlarning 88,4 foizi — birja savdolari; 0,2 foizi — ko‘rgazma-yarmarka savdolari; 11,0 foizi — elektron davlat xaridlari va 0,3 foizi — avtoraqamlarning onlayn-auksioniga to‘g‘ri kelgan.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 700,9 milliard so‘mni tashkil qilgan. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 15,5 milliard so‘mlik mablag‘lari tejalgan.
Ko‘rib chiqilayotgan davr mobaynida onlayn auksion orqali 2078 ta avtoraqam sotilgan. Davlat raqam belgilarining umumiy summasi 6,0 milliard so‘mni tashkil qilgan.
Savdolar natijasida bitimlarning:
- 9,0 foizi birinchi toifa;
- 14,4 foizi ikkinchi toifa;
- 13,7 foizi uchinchi toifa;
- 13,5 foizi to‘rtinchi toifa;
- 19,0 foizi beshinchi toifa;
- 30,4 foizi oltinchi toifa avtoraqamlarga tegishli hisoblanadi.
Izoh (0)