Yil poyoniga yetayotgan bir paytda OLX tahlilchilari maydonchada amalga oshirilgan savdolar natijalarini sarhisob qilishdi — 2021-yil davomida xaridorlar va sotuvchilar tomonidan OLX’da 1,9 millionta bitim amalga oshirilgan. Biz uzoq vaqt davomida, xaridorlar orasida talab doimiy ravishda yuqori darajada saqlanib kelayotgan toifalar manzarasini taqdim etamiz. Biz 2020—2021-yillar davomida sotilgan tovarlar va ko‘rsatilgan xizmatlar bo‘yicha tahliliy ma’lumotlarni va xaridorlar talabi dinamikasidagi o‘zgarishlarni ko‘rsatamiz.
Yetakchi uchlik
Keling, eng yaxshi uchlikdan boshlaymiz. Ularning tarkibi va ketma-ketligi ikki yil davomida o‘zgarishsiz qolmoqda.
Shunday qilib, 2021-yilda OLX’da odamlar ko‘pincha uch toifadagi tovarlarni: mobil telefonlar, Chevrolet avtomobillari va ko‘chmas mulklarni sotib olishgan yoki sotishgan. 2021-yilda ularga bo‘lgan talabda 2020-yilga nisbatan keskin ravishda bo‘lmasada barqaror o‘sish kuzatildi. Masalan, 2021-yilda mobil telefonlar 4000 taga ko‘p sotilgan, avtomobillar toifasida 50 mingtaga ko‘proq bitimlar amalga oshirilgan, ko‘chmas mulklarni sotish sohasida bu ko‘rsatkich 30 mingtadan ko‘proqni tashkil etadi.
Shunisi e’tiborga loyiqki, avtomobillar bilan bog‘liq tovarlar — ehtiyot qismlar, aksessuarlar, bolalar o‘rindiqlari, audio, shinalar, to‘liq yig‘ilgan g‘ildiraklar, shuningdek, boshqa ishlab chiqaruvchilarning modellari, xususan, Daewoo va VAZ maxsulotlari, hatto yuk mashinalari va avtobuslar ham barqaror yuqori talabga ega va bu talab ikki yil davomida shoshmasdan bo‘lsada, o‘sib borayotir.
To‘rtinchi — beshinchi: o‘rinlar almashdi
2020-yilda ayollar kiyimlari xonadonlarni uzoq muddatli ijaraga berishga qaraganda ko‘proq va muvaffaqiyatliroq sotildi. Bu yil uzoq muddatli ijaraga bo‘lgan talab 2020-yilga nisbatan yuqoriroq bo‘ldi, 2021-yilda deyarli 20 000 ga ko‘p sotuvlar amalga oshirildi.
Oltinchi: qushlar
Nomi yuqorida ko‘rsatilgan toifaga oid barcha narsalar, dekorativ tovuslar, to‘tiqushlar, kaptarlar, qushlar ozuqasini sotish va sotib olishdan tortib, kaptarxonalar, tovuqxonalar va qushlar mavzusiga doir tayyor biznes loyihalarigacha — bularning hammasi sotuvchilar va xaridorlar uchun ikki yil davomida dolzarbligini saqlab qolmoqda. 2021-yilda o‘tgan yilga nisbatan 5000 taga ko‘proq bitimlar amalga oshirildi.
Ettinchi — sakkizinchi
O‘tgan yili velosiped yettinchi o‘rinda edi (2021-yilda u 25-o‘ringa tushib ketgan). 2021-yilda uning o‘rnini mehmonxona mebellari egalladi, o‘tgan yili ular odamlarga velosipedga qaraganda bir oz kamroq kerak bo‘lgan. Ammo hozirda 8-o‘rinda avtomobil ehtiyot qismlari turadi, unga bo‘lgan talab 2020-yilda 13-o‘rinda qayd etilgan, 2021-yilda esa 7 mingdan ortiq bitimga ko‘paygan.
To‘qqizinchi
Noutbuklar ikki yildan beri ketma-ket, barqaror ravishda to‘qqizinchi o‘rinni egallab kelmoqda. 2021-yilda undan oldingi yilga qaraganda, 5 mingdan ko‘proq noutbuk sotilgan va sotib olingan. To‘xtovsiz o‘sib borayotgan talab ushbu tez ishlaydigan, yengil va funksional qurilmalarga bo‘lgan ehtiyojning tobora ortib borayotganidan dalolat beradi.
O‘ninchi
Agar 2020-yilda birinchi o‘ntalikning oxiridan mobil telefonlar uchun mo‘ljallangan aksessuarlar egallagan bo‘lsa, 2021-yilda ular reytingda 21-o‘ringa tushib ketgan, 2021-yilda ularning o‘rnini idish-tovoq va turli oshxona anjomlari egalladi. Bu odamlar nafaqat mobil telefonlarini, balki uylarini ham yaxshilashga intilayotganlaridan dalolat bermoqda.
Talab taqozosi
OLX savdo xizmati sifatida odamlarning qaysi mahsulotlar, tovarlar va xizmatlarni afzal ko‘rishi borasidagi o‘zgarishlarni aniq aks ettiradi. OLX nafaqat tovarlarni sotib olish va ularni tezda sotishga, balki odamlar — kelajakdagi mijozlaringiz va salohiyatli xaridorlaringiz uchun dolzarb bo‘lgan tendensiyalarni anglashingizga yordam beradi.
Reklama huquqi asosida.
Izoh (0)