Investitsiyalar va tashqi savdo vaziri Sardor Umurzoqov unga shogird bo‘lishni istagan yigitning taklifini qabul qildi, deya xabar bermoqda “Daryo” muxbiri.
Toshkent yoshlar forumi doirasida turli uchrashuvlar, xususan, hukumat a’zolarining yoshlar bilan muloqotlari tashkil etilmoqda. Forumning ikkinchi kuni — 21-dekabrda ITSV rahbari Sardor Umurzoqov yoshlar bilan uchrashdi.
Muloqot davomida Toshkentdagi Yoju texnika instituti 4-bosqich talabasi Muhammad Jalilov vazirga murojaat qilib, so‘zining avvalida Umurzoqov bilan Toshkent Besh tashabbus harakati festivalida ko‘risha olmaganini ta’kidladi.
Shundan so‘ng u vazirdan iltimos qildi: “Sizdan iltimosim shuki, meni yoningizga olib, shogird sifatida ish o‘rgatsangiz”. Sardor Umurzoqov talabadan nima ish bilan shug‘ullanishini so‘radi. Talaba endi ish o‘rganmoqchi ekanini aytdi.
Yigitning so‘zlarini tinglagan vazir Umurzoqov uning iltimosini qabul qildi va shu joyning o‘zida birinchi o‘rinbosari Aziz Voitovga: “Tadbirdan keyin tez mening oldimga olib borasiz”, — deb topshiriq berdi.
2021-yilning may oyida Toshkent Besh tashabbus harakati festivali davomida bosh vazir o‘rinbosari, turizm va sport vaziri Aziz Abduhakimov yoshlar bilan muloqoti davomida turizm sohasi bo‘yicha birdaniga uchta taklif bildirgan Shahboz Zaripovni vazirlikka ishga taklif qilgan edi.
Mavzuga doir:
- “Hali forumimiz tugagani yo‘q, davom etyapti” — Jahongir Ortiqxo‘jayev forumlarga budjetdan qancha mablag‘ ajratilgani va TikTok bloklanishi haqida
- “Cheklovlar ko‘payib ketdi degani, ular bo‘lmasligi kerak degani emas” — Ruslanbek Davletov ayrim ijtimoiy tarmoqlar bloklanishi haqida
- “Endi savolingizni ham do‘ppida berasiz”. Ozodbek Nazarbekov yoshlar bilan uchrashuv davomida cho‘ntagidan do‘ppi olib kiydi
Izoh (0)