Qashqadaryoda qum bo‘roni sabab 6 ta transport vositasi ishtirokida YTH sodir bo‘ldi
Qashqadaryo viloyati G‘uzor tumanida 3 ta yuk mashinasi va 3 ta yengil avtomobil ishtirokida katta YTH sodir bo‘ldi. Bu haqda YHXBB xabar qildi.
Qayd etilishicha, 2021-yil 21-dekabr kuni G‘uzor tumani hududidan o‘tuvchi 4R-88 Sho‘rtan–Mang‘it avtomobil yo‘lining 16-kilometrida yuk va yengil avtomobillar ishtirokida yo‘l-transport hodisasi sodir bo‘lgan.
Aniqlanishicha, Sho‘rtan–Mang‘it yo‘nalishida harakatlanib kelayotgan 3 ta yuk transport vositalari bir yo‘nalishda harakatlanib kelayotganda qum bo‘roni sabab yo‘lni ko‘rmay qolib, bir-biri bilan to‘qnashgan. Ushbu YTH sodir bo‘lgan vaqtda ularga qarama-qarshi yo‘nalishda kelayotgan Tico va ikkita Nexia avtomobillari kelib urilgan.
YTH oqibatida hech kim tan jarohati olmagan, faqat transport vositalariga zarar yetgan.
Mavzuga doir:
- Namanganda Nexia-3 yuk mashinasi bilan to‘qnashdi, Termizda mashina yo‘liga chiqib ketgan velosipedchi vafot etdi. YTHlar tafsiloti
- Tanishining Gentra’sini olib qochgan shaxs daraxtga borib urildi, qoida buzgan Spark Lacetti bilan to‘qnashdi. YTHlar tafsiloti
- Maktab o‘quvchisi otasining Tracker’ida nogironni urib yubordi, Qarshida harakatlanib ketayotgan “Gazel” yonib ketdi. YTH tafsilotlari
