Бизнеснинг энг асосий қоидаларидан бири, барқарорлик ва ривожланишдир. Аммо бунинг учун вақти-вақти билан ўз ишингизни янги инвестициялар билан «озиқлантириб» туришингиз керак. Бунинг учун ҳар доим ҳам ресурслар етарли бўлмайди, шунинг учун тадбиркор уларни қаердан олиш ҳақида бош қотиради. Гап катта маблағ ҳақида бўлса, камдан-кам ҳолларда дўстларингиз ва қариндошларингиздан умид қилишингиз мумкин. Битта вариант — банк кредити. Банкдан кичик бизнес учун қандай қилиб, қаерда, қанча ва қандай шартларда кредит олиш мумкинлиги, шунингдек, банк тадбиркорга нима сабабли рад этиши мумкинлиги ҳақида ушбу материалимизда маълумот берамиз.
Соддалаштирилган кредит олиш
Ҳар қандай кредит ташкилоти жисмоний ва юридик шахсларни молиялаштиришга жиддий ёндашади, шунинг учун мақбул қарз олувчиларга муайян талаблар қўйилади. «Капиталбанк» АТБ кичик кредитлаш департаменти директори вазифасини вақтинчалик бажарувчи Жаҳонгир Умаровнинг сўзларига кўра, мутахассислар ариза берувчиларнинг кредит лойиҳаларини ўрганиб, фаолиятларини таҳлил қиладилар.
«Бугунги кунда биз кредит олиш тартибини соддалаштирдик. Бухгалтерия ҳужжатлари биз учун унчалик ҳам қизиқ эмас. Биз бизнесга ‘жонли’ кўз билан қараймиз. Бизнинг ходимларимиз фаолият жойига ўзлари боришади, даромад ва пул айланмаларини ўрганишади, эҳтимолий харажатлар ва хавфларни баҳолашади. Натижада, биз мижоз, унинг бизнес истиқболи ҳақидаги реал маълумотга эга бўламиз ва қарор қабул қиламиз. Одатда тадбиркор саноқли кун ичида кредит олади», — дейди департамент директори ўринбосари вазифасини вақтинчалик бажарувчи Борийхон Абдусаматов.
Қаерда, қачон ва қанча?
Барча банкларда кредитлаш шартлари турлича: турли фоиз ставкалари, ҳужжатлар тўпламлари ва кредит бериш муддатлари. Масалан, «Капиталбанк» АТБда кредит олиш учун банкка келиш, ариза тўлдириш ва керакли минимал ҳужжатлар тўпламини тақдим этиш кифоя.
Кредитни автотранспорт, кўчмас мулк, заргарлик буюмлари ва ҳоказоларни гаровга қўйиб, расмийлаштириш мумкин.
Бунинг учун ҳам минимал ҳужжатлар тўплами талаб қилинади: автомобилнинг техник паспорти ёки кўчмас мулк кадастри ва гаровдаги мулк эгасининг ҳужжатлари.
Банк кредитларни миллий ва хорижий валютада беради. Максимал сумма — 2,5 миллиард сўм ёки шу миқдордаги пулнинг АҚШ доллари ва евродаги эквиваленти. Айланма ва асосий капитал учун кредит муддати 36 ойгача бўлган муддатни ташкил қилади. Сўм кредитлари бўйича фоиз ставкалари 20 фоиз, валюта кредитлари бўйича эса 6 фоизни ташкил этади. Одатда бизнесга пул тезда зарур бўлади, шунинг учун «Капиталбанк» АТБда кредит аризасини кўриб чиқиш ҳамма зарур ҳужжатлар тўплами тақдим этилгандан сўнг, 3 кунгача бўлган муддатда амалга оширилади.
Кимга рад этилиши мумкин?
«Капиталбанк» АТБ ҳар йили юзлаб лойиҳаларга кредит маблағи ажратади ва камчилик лойиҳалар рад этилади.
«Биз ‘Йўқ’ деганларимиз — бу катта хавфли лойиҳалар. Бу эса ўз навбатида кредит қайтарилишига таъсир қилади. Шунингдек, айрим лойиҳаларда тадбиркорлик фаолиятининг айрим турларини амалга ошириш учун зарур бўлган рухсатномалар (лицензия, сертификатлар ва ҳоказо) мавжуд эмас эди», — дейди Жаҳонгир Умаров.
Бироқ мутахассисларнинг сўзларига кўра, бундай «тасодифий» лойиҳалар кам. Тадбиркорлар кредит олишга онгли равишда ёндашади.
Кредитлаш шартлари ҳақида батафсилроқ www.kapitalbank.uz сайтидан ёки алоқа марказининг операторларидан қуйидаги рақам орқали билиб олишингиз мумкин: +99878 148 40 27
«Капиталбанк» ижтимоий тармоқларда:
Facebook: https://www.facebook.com/kapitalbank.uz
Instagram: https://www.instagram.com/kapitalbank.uz
Telegram канал: https://t.me/kapital24
Расмий сайт: https://www.kapitalbank.uz
Реклама ҳуқуқи асосида.
Изоҳ (0)