«Ҳудудгазтаъминот» АЖ ва «Банк Апельсин» АЖ ўртасида истеъмолчилар томонидан табиий ва суюлтирилган газдан фойдаланганлик учун тўловларнинг ўз вақтида амалга оширилишини янада яхшилаш соҳасида ўзаро англашув меморандуми имзоланди.
Бу каби ҳамкорлик давр тақозосидир. Ҳозирги вақтда Ўзбекистонда табиий ва суюлтирилган газнинг 7,5 миллиондан ортиқ фойдаланувчилари мавжуд. Кейинги уч йил ичида газ таъминоти тизими янги ривожланиш даражасига кўтарилди. Соҳага аҳолига газ етказиб бериш жараёнларининг очиқлиги, шаффофлиги ва ишончлилигини таъминлашга имкон берадиган рақамли технологиялар фаол жорий этилмоқда.
Ўз навбатида истеъмолчилар ҳам «зангори ёқилғи»дан фойдаланиш учун катта масъулият сеза бошлади. Табиий ва суюлтирилган газни назорат қилиш ва ҳисобга олишни автоматлаштиришга қаратилган лойиҳаларнинг амалга оширилиши истеъмол қилинган ёқилғи учун тўловларнинг ўз вақтида амалга оширилишини таъминлаш ва ўзаро ҳисоб-китобларда инсон омилига барҳам беришга имкон берди.
Таъкидлаш лозимки, тўлов тизимлари газ таъминотчиси ва истеъмолчи ўртасида ишончли муносабатларни таъминлашда энг муҳим роллардан бирини ўйнайди. Уларнинг имкониятлари туфайли фуқаролар ўз уйидан чиқмай туриб, куннинг исталган вақтида фойдаланилган ёқилғи учун тўлов қилишлари мумкин. Бугунги кунда газ учун тўловларнинг 80 фоизи онлайн режимида амалга оширилмоқда.
Истеъмолчилар учун қўшимча қулайликларни яратиш мақсадида «Ҳудудгазтаъминот» АЖ ва «Банк Апельсин» АЖ ўртасида Apelsin мобил иловаси орқали тўловларни қабул қилиш хизматларини кўрсатиш юзасидан шартнома имзоланди. Ушбу сервис орқали саноқли сониялар ичида ишлатилган табиий ёки суюлтирилган газ учун тўловни амалга оширишингиз ҳамда шахсий ҳисоб рақамингиз ҳолати ҳақида батафсил маълумотга эга бўлишингиз мумкин.
Газ учун тўловларни ўз вақтида амалга оширишни таъминлаш учун «Ҳудудгазтаъминот» АЖ ҳамкори сифатида «Банк Апельсин» АЖ танлангани бежиз эмас, албатта. Ушбу банк энг қулай ва оммабоп тўлов хизматларидан бирига ва катта мижозлар базасига эга. Google Play ва App Store маълумотларига кўра, бугунги кунда 1,5 миллиондан ортиқ одамлар Apelsin иловасидан фойдаланиб келмоқда. Бундан ташқари, унда барча мобил иловалар орасида биринчи бўлиб «Менинг уйим» тизими жорий этилиб, шу ерда сиз барча коммунал хизматларни бир жойда тўплашингиз ва гуруҳлашингиз мумкин.
Илованинг бундай қулай функциялари истеъмолчиларга газ ва бошқа коммунал тўловлар учун қарзлар ва олдиндан тўловлар ҳақида хабардор бўлиб туриш имконини беради, чунки тўловларингиз ва истеъмолингиз ўртасидаги вазиятни реал вақт режимида акс эттиради, ўзгартиради. Ҳозирги вақтда интернетга киролмайдиган телефонлар учун *799# командаси орқали ушбу сервисдан Android, iOS, USSD платформалари орқали фойдаланиш мумкин ва веб-версияси ҳам мавжуд.
«Ҳудудгазтаъминот» АЖ ва «Банк Апельсин» АЖ ўртасидаги ўзаро англашув меморандуми ҳамкорликни мустаҳкамлаш, истеъмолчиларнинг тўлов интизомини ва мамлакат аҳолисига «зангори ёқилғи»ни ўз вақтида етказиб беришни янги сифат даражасига олиб чиқишга имкон яратади.
Реклама ҳуқуқи асосида.
Изоҳ (0)