SpaceX va Tesla kompaniyasining asoschisi, dunyodagi eng badavlat kishilardan sanalgan Ilon Mask, Tibbiyot, muhandislik va Milliy fanlar akademiyasi (NASEM) mutaxassislari bilan ish bo‘yicha tashkil qilingan onlayn yig‘ilishida oltinchi o‘g‘li X Æ A-12 bilan ishtirok etdi.
Kadrda Starship raketalarining tashish jarayoni ko‘rsatilganda, — mashina (car) degan bir yarim yoshli bolakay. Bunga Mask: “Yo‘q, bu katta mashinadagi raketa”, — deb javob bergan.
Birinchi video namoyishidan keyin onlayn konferensiya ishtirokchilariga bolakay, bir necha marta salom (hi) deb, qo‘l silkigan. Ikkinchi rolikdan keyin bir nechta noaniq so‘zlarni aytgan, raketa uchganini ko‘rganidan keyin esa quvnoq ohangda mashina signalining tovushi: “Bi, bi, bi, bi, bi”ni takrorlagan. Konferensiya boshlanganidan 2,5 daqiqa o‘tib, Ilon o‘tirgan xonaning eshigi ochilgan va bolakay olib chiqib ketilgan. Bundan norozi bo‘lgan bolaning yig‘lagan ovozi eshitilgan.
Ma’lumot uchun, Maskning oltinchi farzandi 2020-yil 4-mayda dunyoga kelgan. Xonanda Grayms dunyoga keltirgan bolakayning ismi “Eks Esh Ey Tvelv”deb tarjima qilinadi. X Æ A-12 dunyoga kelgan Kaliforniya shtati qonunchiligiga ko‘ra, bolaga ism qo‘yishda ingliz alifbosidagi 26 ta harfdan, shuningdek, apostrof va chiziqchalardan foydalanish mumkin. Emoji, raqamlar va boshqa tushunarsiz belgilardan foydalanish taqiqlangan. Keyinroq milliarder va xonanda bolaga boshqa ism qo‘yishga majbur bo‘lgan.
Endilikda ularning o‘g‘li X Æ A-Xii ismini olgan. Graymsning so‘zlariga ko‘ra, mazkur ismdagi X — noma’lum o‘zgaruvchi, Æ — elflar tilida sun’iy ong ma’nosini beradi, shu bilan birga, sevgi so‘zi ham shunday yoziladi, A-12 — juftlikning sevimli samolyoti — Lockheed A-12 hisoblanadi.
Izoh (0)