Bugun,

  • USD 11095.31
  • RUB 173.84
  • EUR 10772.44

EF English Proficiency Index dunyoning turli davlatlarida ingliz tilini bilish darajasi bo‘yicha tadqiqot o‘tkazdi. Unga ko‘ra, O‘zbekiston ro‘yxatdagi 112-davlat orasida 88-o‘rinni egallagan.

Foto: “Daryo” / Madina Nurman

Foto: “Daryo” / Madina Nurman

Reytingda O‘zbekiston ingliz tilini bilish darajasi “juda past” hisoblanuvchi mamlakatlar guruhiga kiritilgan bo‘lib, undan yuqori pog‘onada Afg‘oniston (87-o‘rin), pastida Suriya (89-o‘rin) joylashgan.

Shuningdek, Markaziy Osiyoning boshqa davlatlari ham ro‘yxatga kiritilgan, xususan, Qozog‘iston — 96-o‘rin, Qirg‘iziston — 101-o‘rin, Tojikiston — 103-o‘rin. Turkmaniston ro‘yxatga kiritilmagan.

Ingliz tilini bilish darajasi bo‘yicha kuchli uchlikdan Niderlandiya, Avstriya va Daniya o‘rin olgan.

Reyting mualliflarining ta’kidlashicha, 2020-yil bilan taqqoslaganda, 30 yoshdan kattalarda o‘sish kuzatilgan, 40 yoshlilar esa birinchi bor o‘rtacha til bilish darajasiga kiritilgan. Bu kabi tendensiya katta yoshli insonlar kasbiy faoliyati davomida til ko‘nikmalarini egallay olishi mumkinligini isbotlaydi.

“2015-yildan buyon 30 yoshdan kattalar 21-25 yoshlilar bilan taqqoslaganda, o‘zlarining ingliz tilini bilish darajasini uch barobarga yaxshilagan”, — deyiladi izohda.

Avvalroq AQSh Xalqaro taraqqiyot agentligi (USAID) Namangan va Sirdaryo viloyatlarining 208 ta umumta’lim maktablariga 385 ming dona darslik va o‘qituvchilar uchun qo‘llanmalarni taqdim etgani, o‘zbekistonlik 38 nafar o‘quvchi Bo‘lajak liderlar almashinuvi dasturi doirasida 2006-yildan beri birinchi marta Amerikaga yuborilishi to‘g‘risida xabar berilgandi.

Izoh
Asosiy yangiliklar
Mahalliy
Bir necha kundan buyon hukm surayotgan qorli ob-havoda o‘zbekistonliklar yasagan qorbobolar — suratlarda
Sport
Matbuot anjumani vaqtida mushukni uloqtirib yuborgan Braziliya terma jamoasi rasmiysi tanqidlarga uchradi (video)
Dunyo
Lukashenko “kuchsiz Mercedes” tufayli YOII sammitiga piyoda keldi (video)