Toshkentdagi Senatning yangi binosi joylashgan ko‘chada 4-noyabrgacha harakatlanish cheklanadi

Toshkent shahridagi Islom Karimov ko‘chasining bir qismi bir necha kun ketma-ket tig‘iz vaqtda ogohlantirishsiz yopib qo‘yilayotgani haqida xabar berilgandi. Shundan so‘ng Toshkent shahar hokimligi ushbu ko‘chaning bir qismi yopilishi haqida rasmiy xabar berdi.

Qayd etilishicha, yo‘l ta’mirlash va obodonlashtirish ishlari olib borilishi munosabati bilan 3-noyabr kuni soat 00:00 dan 4-noyabr kuni soat 11:00 ga qadar Islom Karimov ko‘chasining Sharof Rashidov ko‘chasi kesishmasidan Amir Temur shohko‘chasi kesishmasigacha bo‘lgan qismi transport harakatlanishi uchun vaqtincha yopiladi.

Haydovchilardan aylanma yo‘llardan foydalanishlari tavsiya qilingan va yuzaga kelgan noqulaylik uchun uzr so‘ralgan.