Qat-qat xamir ichiga qiyma solib, issiq gazak tayyorlaymiz

Ushbu taomning afzalligi uning tez va oson tayyorlanishidadir. Buning uchun faqat qiyma, ziravorlar, tuxum va xamir kerak bo‘ladi.

Kerakli mahsulotlar:

• qiyma – 500 gramm;
• tuxum – 2 dona;
• quritilgan non – 2-3 osh qoshiq;
• quritilgan piyoz – 1 choy qoshiq;
• quritilgan sarimsoq – 1 choy qoshiq;
• quritilgan jambil – 1 osh qoshiq;
• qat-qat xamir – 250 grammdan 2 qatlam
• un – 2-4 osh qoshiq;
• o‘simlik yog‘i – 1 osh qoshiq;
• kunjut, tuz va ziravorlar.

1. Qiyma, bitta tuxum, quritilgan non, piyoz, sarimsoq, jambil, tuz va murch yaxshilab aralashtiriladi. So‘ngra massa ikkita teng qismga bo‘linadi.
2. Xamirning bir bo‘lagi olinib, un sepiladi va to‘rtburchak shaklda yoyiladi.
3. Qiymali aralashma kolbasa shakliga keltirilib, xamirning bir chetiga qo‘yiladi va rulet shaklida o‘raladi. Keyin pichoq yordamida bir xil qismlarga bo‘lib chiqiladi.
4. Ikkinchi xamir ham xuddi shu tarzda tayyorlanadi.
5. Pishiriq qolipi yog‘lanib, qiymali o‘ramalar joylashtiriladi. Ustiga tuxum sarig‘i surib, kunjut sepiladi.
6. Taxminan 20 daqiqa davomida 200 daraja pechda pishiriladi.