Yomg‘irli kunlarda ayni muddao. A’lo kayfiyatni ta’minlaydigan olmali pirog

Mazali shirinlik bilan nafaqat nonushta, balki bayram dasturxonini ham bezasangiz bo‘ladi.

Kerakli mahsulotlar:

• un — 370 g;
• sariyog‘ — 250 g;
• shakar — 330 g;
• razrixlitel — 10 g;
• tuxum — 1 dona;
• maydalangan funduq — 100 g;
• olma — 2 kg;
• maydalangan dolchin — 4 g;
• vanilin;
• suv — 120 ml;
• jo‘xori kraxmali — 20 g.

• Olmani kub shaklida to‘g‘rab oling.
• Shakarni olovga qo‘yib, karamel tayyorlab oling.
• 90 gramm sariyog‘ qo‘shib aralashtiring.
• Aralashmaga maydalangan olma, vanilin va dolchin qo‘shing.
• Olovga qo‘yib aralashtiring, suvga kraxmal soling.
• Xamirini tayyorlash uchun eritilgan sariyog‘ga, un, razrixlitel, shakar va tuxum qo‘shing.
• Aralashmani yarmini maxsus idishga solib ustidan olmali aralashma quying,
• Aralashmaning qolgan qismiga funduq qo‘shing.
• Nachinkaning ustidan quying.
• 180 daraja qizigan pechda 40-45 daqiqa davomida pishirib oling.