Toshkent xalqaro kinofestivali o‘tkazilishi munosabati bilan 28-sentabr soat 22:00 gacha ayrim ko‘chalarda harakatlanish cheklanadi

Toshkent xalqaro kinofestivali o‘tkazilishi munosabati bilan poytaxtdagi ayrim ko‘chalarda harakatlanish cheklanadi, deya xabar bermoqda shahar IIBB axborot xizmati.

Qayd etilishicha, “Ipak yo‘li durdonasi” Toshkent xalqaro kinofestivali o‘tkazilishi munosabati bilan 28-sentabr kuni soat 17:30 dan 22:00 gacha Shayxontohur tumani Alisher Navoiy—Abay ko‘chalari kesishgan chorrahasidan Alisher Navoiy—Labzak ko‘chalari kesishgan chorrahasigacha bo‘lgan oraliqda harakat cheklanadi.

Noqulayliklar uchun uzr so‘ralgan IIBB xabarida.

Bundan avval 28-sentabrdan Toshkent xalqaro kinofestivali start olishi va ushbu tadbir mehmonlari haqida xabar berilgandi.