Bugun,

  • USD 11095.31
  • RUB 173.84
  • EUR 10772.44

Toshkent shahrida IIО xodimlari va haydovchilar o‘rtasida janjal yuzaga kelgani xabar qilingandi. Poytaxt IIBB axborot xizmati holat yuzasidan qo‘shimcha ma’lumot berdi.

Ma’lum bo‘lishicha, Chilonzor tumanidagi Bunyodkor va KXAY ko‘chalari kesishmasida 12-sentabr kuni soat 12:20 da YPX inspektorlari Cobalt avtomobili haydovchisi 35 yoshli B.U.ni yo‘l harakati qoidalarini buzgani uchun to‘xtatgan.

Huquqbuzarlik sodir etgan shaxsga bayonnoma rasmiylashtirish jarayonida yo‘l chetida to‘xtab turgan mashina haydovchisi 29 yoshli T.R. aralashgan va xodimlarning qonuniy faoliyatiga to‘sqinlik qilib, janjal ko‘targan hamda ichki ishlar organi xodimiga faol qarshilik ko‘rsatib, tan jarohati yetkazgan.

Qayd etilishicha, huquqbuzarning noqonuniy harakatlariga chek qo‘yish maqsadida yaqin orada xizmat olib borayotgan Patrul-post xizmati xodimlari yetib kelgan. Ular T.R.ni yaqin oradagi ichki ishlar bo‘limiga olib ketish uchun transport vositasiga o‘tqizish jarayonida aks etgan video ijtimoiy tarmoqlarda tarqalgan.

Ta’kidlanishicha, holat yuzasidan tergovga qadar tekshiruv olib borilgan. Ichki ishlar xodimiga tan jarohati yetkazgan T.R.ga nisbatan tuman prokuraturasi tomonidan Jinoyat kodeksining 277-moddasi (bezorilik) 3-qismi bilan jinoyat ishi qo‘zg‘atilgan. Unga ehtiyot chorasi sifatida qamoqqa olish jazosi tayinlangan.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi