Тошкент шаҳрида IIО ходимлари ва ҳайдовчилар ўртасида жанжал юзага келгани хабар қилинганди. Пойтахт ИИББ ахборот хизмати ҳолат юзасидан қўшимча маълумот берди.
Маълум бўлишича, Чилонзор туманидаги Бунёдкор ва КХАЙ кўчалари кесишмасида 12 сентябрь куни соат 12:20 да ЙПХ инспекторлари Cobalt автомобили ҳайдовчиси 35 ёшли Б.У.ни йўл ҳаракати қоидаларини бузгани учун тўхтатган.
Ҳуқуқбузарлик содир этган шахсга баённома расмийлаштириш жараёнида йўл четида тўхтаб турган машина ҳайдовчиси 29 ёшли Т.Р. аралашган ва ходимларнинг қонуний фаолиятига тўсқинлик қилиб, жанжал кўтарган ҳамда ички ишлар органи ходимига фаол қаршилик кўрсатиб, тан жароҳати етказган.
Қайд этилишича, ҳуқуқбузарнинг ноқонуний ҳаракатларига чек қўйиш мақсадида яқин орада хизмат олиб бораётган Патруль-пост хизмати ходимлари етиб келган. Улар Т.Р.ни яқин орадаги ички ишлар бўлимига олиб кетиш учун транспорт воситасига ўтқизиш жараёнида акс этган видео ижтимоий тармоқларда тарқалган.
Таъкидланишича, ҳолат юзасидан терговга қадар текширув олиб борилган. Ички ишлар ходимига тан жароҳати етказган Т.Р.га нисбатан туман прокуратураси томонидан Жиноят кодексининг 277-моддаси (безорилик) 3-қисми билан жиноят иши қўзғатилган. Унга эҳтиёт чораси сифатида қамоққа олиш жазоси тайинланган.
Мавзуга доир:
- Самарқандда ҳайдовчи билан тиббий ниқобсиз мулоқот қилган ЙПХ ходими жаримага тортилди
- Самарқандлик солиқчи ўлими юзасидан қўзғатилган жиноят иши тергови якунланиб, 2 нафар гумонланувчи қамоққа олингани маълум бўлди
- Андижонда фуқаро ИИБ ходимлари томонидан калтаклангани ҳақидаги хабар юзасидан маълумот берилди
Изоҳ (0)