Samarqand viloyati Past Darg‘om tumanida YPX inspektori va haydovchi o‘rtasida tortishuv kelib chiqdi. Holat yuzasidan YHXBB izoh berdi.
Ma’lum qilinishicha, 8-sentabr 17:30 atrofida tuman hududidan o‘tgan 4R-46 avtomobil yo‘lining 23-kilometrida Nexia mashinasi haydovchisi yo‘l chizig‘ini bosib harakatlangani uchun YPX xodimi tomonidan elektron shakldagi bayonnoma tuzilgan.
Ijtimoiy tarmoqda mazkur holat bo‘yicha video tarqalib, unda xodim tibbiy niqob taqmagani aks etgan.
Ushbu holat mas’ullar tomonidan o‘rganilib, O‘zbekistonga koronavirusning kirib kelishi va tarqalishining oldini olish bo‘yicha Respublika maxsus komissiyasining qarori talablariga rioya qilmagani uchun YPX xodimiga nisbatan Ma’muriy javobgarlik to‘g‘risidagi kodeksning 54-moddasi (epidemiyalarga qarshi kurash qoidalarini buzish) tartibida bayonnoma tuzilgan.
