Qarshi shahrida ichki ishlar xodimlari va fuqarolar o‘rtasida janjal kelib chiqqani aks etgan video tarqaldi. Holat yuzasidan IIV matbuot kotibi Shohruh G‘iyosov ma’lumot berdi.
Ma’lum qilinishicha, 2021-yilning 16-sentabr kuni soat 23:00 larda Qarshi shahrida xizmat vazifasini bajarayotgan Patrul-post xizmati xodimlariga mast holatdagi 1990-yilda tug‘ilgan fuqaro N.A. hamda uning sheriklari — 1995-yilda tug‘ilgan N.A. va 1987-yilda tug‘ilgan X.A. faol qarshilik ko‘rsatgan.
Ularga nisbatan Ma’muriy javobgarlik to‘g‘risidagi kodeksning 183 (mayda bezorilik) va 194-moddalari (ichki ishlar organlari xodimining qonuniy talablarini bajarmaslik) hamda Jinoyat kodeksining 219-moddasi (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoyat ishi qo‘zg‘atilgan.
Hozirda huquqbuzarlar protsessual tartibda qamoqqa olingan.
Mavzuga doir:
- Andijonda fuqaro IIB xodimlari tomonidan kaltaklangani haqidagi xabar yuzasidan ma’lumot berildi
- Toshkentda bir guruh PPX xodimlari fuqaroni kuch bilan xizmat mashinasiga o‘tqazishga urinayotgani aks etgan video bo‘yicha rasmiy ma’lumot berildi
- Andijonda IIB xodimlari fuqaroning qo‘lini sindirgani rad etildi