Қарши шаҳрида ички ишлар ходимлари ва фуқаролар ўртасида жанжал келиб чиққани акс этган видео тарқалди. Ҳолат юзасидан ИИВ матбуот котиби Шоҳруҳ Ғиёсов маълумот берди.
Маълум қилинишича, 2021 йилнинг 16 сентябрь куни соат 23:00 ларда Қарши шаҳрида хизмат вазифасини бажараётган Патруль-пост хизмати ходимларига маст ҳолатдаги 1990 йилда туғилган фуқаро Н.А. ҳамда унинг шериклари — 1995 йилда туғилган Н.А. ва 1987 йилда туғилган Х.А. фаол қаршилик кўрсатган.
Уларга нисбатан Маъмурий жавобгарлик тўғрисидаги кодекснинг 183 (майда безорилик) ва 194-моддалари (ички ишлар органлари ходимининг қонуний талабларини бажармаслик) ҳамда Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилган.
Ҳозирда ҳуқуқбузарлар процессуал тартибда қамоққа олинган.
Мавзуга доир:
Изоҳ (0)