Qashqadaryo viloyati Qarshi shahrida fuqaroning 70 million so‘mini o‘g‘irlagan shaxs qo‘lga olindi, deya xabar qilmoqda IIV axborot xizmati.
Ma’lum qilinishicha, Qarshi shahar IIO FMB 1-sonli IIBga 2021-yil 3-sentabr kuni tushgan xabarga ko‘ra, shu kuni soat 13:00 larda noma’lum shaxs Qarshi shahar “Mahallot” MFY hududidagi “Mahallot” jome masjidiga namoz o‘qish uchun kelgan Qarshi shahar “Komilon” MFYda yashovchi E.ning Nexia-3 rusumli avtomashinasi salonidan 70 million so‘m pulni o‘g‘rilik yo‘li bilan qo‘lga kiritgani ma’lum qilingan.
Mazkur holat yuzasidan Qarshi shahar IIO FMB 1-sonli IIB xodimlari tomonidan olib borilgan surishtiruv ishlari davomida mazkur o‘g‘rilikni Qarshi shahar “Komilon” MFYda yashovchi muqaddam sudlangan X. sodir etgani aniqlanib, undan ashyoviy dalil tariqasida 67 300 000 so‘m pullar hujjatlashtirib olindi.
Mazkur holat yuzasidan Qarshi shahar IIO FMB 1-sonli IIB TB tomonidan X.ga nisbatan Jinoyat kodeksining 169-moddasi 3-qismi “a” bandi (ko‘p miqdorda o‘g‘rilik) bilan jinoyat ishi qo‘zg‘atilib, qamoq ehtiyot chorasi qo‘llanilgan. Hozirda dastlabki tergov harakatlari olib borilmoqda.
Mavzuga doir:
- Denovda o‘zganing Nexia’sidan antiradar va videoregistrator o‘g‘irlaganlar qo‘lga olindi
- Toshkentdagi do‘konlarning birida kissavurlik qilgan erkak qo‘lga olinib, jinoyat ishi qo‘zg‘atildi
- Buxoroda fuqaro uyidan 3000 dollar hamda 36,7 mln so‘mlik tilla taqinchoqlar o‘g‘irlagan xavfli retsidivist qo‘lga olindi
Izoh (0)